EN LA SAMA JARTEMPO

Estimataj,
EN LA SAMA JARTEMPO
"Kaj Li diris: Mi revenos al vi en la sama jartempo, kaj tiam estos filo cxe Sara, via edzino" (Genezo 18:10).
Mirindajxoj neniam cxesas. Sara kaj Abraham sajnis diri kiam Dio diris al ili ke ili havos sian propran infanon "en la sama jartempo" (Genezo 17:15-16, 19-21; 18:10,13-14). Kiel cent-jara viro gravedigos naudek-jaran virinon? Nature, estas neeble! Sara priridis gxin, dum Abraham donis al Dio alian alternativon plenumi Liajn promesojn por sia vivo (vidu: Genezo 17:18; 18:12). Tamen, Dio insistis ke Sia promeso fari Abrahamon la patro de multaj popoloj estos plenumita per la filo kiun Sara naskos al li, "Cxar cxe Dio nenio estas neebla" (Luko 1:37. Vidu ankau Genezo 18:14; Jeremia 32:17, 27; Marko 10:27; Luko 18:27).
Dio ja plenumis Sian promeson! En Genezo 21:1-2, la Sankta Biblio diras, "Kaj la Eternulo rememoris Saran, kiel Li diris, kaj la Eternulo faris al Sara, kiel Li parolis. Kaj Sara gravedigxis kaj naskis al Abraham filon en lia maljuneco, en la difinita tempo, pri kiu Dio al li diris." Mi volas emfazi du aferojn en cxi tiu eltirajxo:
a. Dio estis favora al Sara: estis la graco (la nemeritita favoro) de Dio kiu igis Dion rememori kaj plenumi la promeson;
b. En la difinita tempo: Dio plenumis Sian promeson por Abraham kaj Sara gxuste je la difinita tempo, ne pli frue, ne poste, sed gxuste je la difinita tempo.
Kion vi esperas ke Dio faru por vi? Cxu vi perdis la esperon pri Li? Cxu vi pensas pri alia rimedo kiun Dio faru por vi? Je la sama tempo venontjare, Dio faros tion por vi Siamaniere, kaj gxuste je Sia difinita tempo. Eble tio estos malpli ol unu jaro, unu monato, unu semajno, au ecx unu tago. Memoru, la Eternulo parolis per profeto Elisxa, "Auskultu la vorton de la Eternulo: tiele diras la Eternulo: Morgau en cxi tiu tempo mezuro da delikata faruno havos la prezon de unu siklo, kaj du mezuroj da hordeo la prezon de unu siklo, cxe la pordego de Samario" (2 Regxoj 7:1). La profetajxo ja okazis post malpli ol unu tago. La altrangulo kiu ne kredis nur vidis gxin sed neniam gxuis gxin.
Je la sama tempo venontjare, vi ankau havos unu au pliajn aferojn por atesti pri la boneco de Dio en via vivo. Cxu vi kredas gxin?
Je la servo de Dio,
Bayo Afolaranmi (Pastoro).
PS
Oni unue dissendis cxi tiun mesagxon je la 23-a de januaro, 2005.

FIDU AL TIU ROKO!

Estimataj,
FIDU AL TIU ROKO!
" La Eternulo estas mia Roko, kaj mia fortikajxo, kaj mia Savanto, Mia Dio, mia forta Roko, kiun mi fidas, Mia sxildo kaj la korno de mia savo, mia rifugxejo" (Psalmo 18:2).
" Neniu estas tiel sankta, kiel la Eternulo; Cxar ekzistas neniu krom Vi, Kaj nenia defendanto simila al nia Dio" (1 Samuel 2:2).
Iam, mi malstrecxigxis sur iu roko kiam mi vidis viron kiu venas al mi kun ponardo. Cxar cxiuj estis farantaj sian propran aferon, mi ne zorgis multe pri li. Tamen, mi malkovris ke li provis trovi manieron por veni sur la lokon, kie mi sidis. Li iris cxirkau tiu roko multfoje, sed li ne povis trovi la vojon. Do li haltis antau mi cxe la bazo de la roko kun furiozo. Li svingis sian ponardon al mi plurajn fojojn kaj eligis kelkajn neaudeblajn vortojn. Malgrau la brilanta ponardo per kiu li intencis damagxi min, kaj lia sxajna kolero kontraux mi, mi trankvile sidis kie mi estis. Li estis furioza kaj provis forruli la rokon sur kiu mi sidas. Li provis denove kaj denove gxis li estis laca, tamen mi ne timis. Fakte, mi gxuis min supre. Pro lia neeblo por fari ajnan damagxon al mi, li eliris pli furioze, ol antaue.
Problemoj kaj defioj de la vivo venas en multaj formoj provi perturbi paceman ekziston de homo. La fonto de konfido de iu kiam problemoj okazas kaj lia reago al gxi determinos kiel li venkos la problemojn kaj la defiojn. Jesuo Kristo estas la eksterordinara Roko kontrau ia problemo au defio de la vivo (Readmono 32:4; 2 Samuel 22:32, 47; Psalmo 31:2-3; 89:26; 94:22; Jesaja 26:4; 1 Korintanoj 10:4). Neglektante Lin estas kiel neglekti onian fonton de vivo (Readmono 32:15; Jesaja 17:10).
Cxu vi alfrontas problemojn au defion de vivo nun. Cxi tiu problemo povas interrompi vian gxojon. Sxajnas ke cxiuj kaj cxio estas kontrau vi. Jen solvo por vi! Cxu vi estas sur tiu eterna Roko, Jesuo Kristo? Cxu vi fidas al Li por helpi vin en via problemo? Cxu vi aldonas plue al cxi tiu problemo per zorgado pri gxi? Ne lasu tiun problemon superi vin. Fidu je Jesuo Kristo. Starigxu sur tiu senmova Roko kaj vi venkos viajn problemojn.
Je la servo de Dio,
Bayo Afolaranmi (Pastoro).
PS
Cxi tiu mesagxo estis unue dissendita je la 3-a de junio, 2003.

MIRINDA GRAC'! HO DOLCXA SON'!

Estimataj,
MIRINDA GRAC'! HO DOLCXA SON'!
"Cxar per graco vi savigxis per fido; ne per vi mem: gxi estas dono de Dio; ne el faroj, por ke neniu fanfaronu" (Efesanoj 2:8-9).
Unu el la plej popularaj himnoj de cxiuj tempoj estas "Amazing Grace" (en Esperanto: "Mirinda Grac'! Ho Dolcxa Son'!") de John Newton (1725-1807). Newton verkis la himnon por esprimi tiun kiu li estis antau ol li estis savita kaj kiu li estis post sia savo savosperto. Newton estis mizerulo morala paria kies negoco estis sklavkomerco antau ol li farigxis predikisto de la evangelio de la granda Savanto, Jesuo Kristo, kiu savis lin per graco dum proksima sxiprompigxo. En siaj vortoj en liaj lastaj jaroj, "Mia memoro estas preskau for, sed mi memoras du aferojn, ke mi estas granda pekulo, kaj ke Kristo estas granda Savanto."
Preter la personeco de John Newton, lia himno - "Amazing Grace" - malkasxas profundan veron pri la graco de Jesuo Kristo al cxiu kiu invitas Lin en sian vivon kiel lian personan Savanton kaj Sinjoron. Gxi estas mesagxo ke pardono kaj elacxeto estas ebla sendepende de la pekoj kiujn oni faras kaj ke la animo povas esti transdonita de malespero tra la kompatemo de Dio. Estas ja dolcxa por audi, ke mizera persono kiu estas perdita kaj blinda spirite povas esti trovita kaj vidi spirite. La graco instruus la koron de cxiu, kiu kredas timi Dion kaj esti savita de cxiuj aliaj timoj. La graco estas ja altvalora ne nur komence sed dum la tuta tempo. Estas graco per kiu farigxis la kredanto sekura gxis nun tra multaj dangxeroj, laboroj aux, kaj retoj kaj gxi finfine kondukos lin al eterna hejmo.
La himno plie malkasxas kelkajn profitojn kiujn kredanto en Kristo kiu spertis la gracon gxuus. Li gxuus la promesitan bonecon de Dio; lia espero estus certigita en Dia vorto; tiel longe, li vivas lia sxildo kaj porcio estos Dio; ecx kiam cxi tiuj karno kaj koro mankos, kaj mortema vivo cxesigxos, tia kredanto posedos vivon de gxojo kaj paco, kaj en la cxielo, li eterne kantos la laudon de Dio. Estas ja mirinda graco!
Cxu vi spertis tiun gracon? Ne gravas kiom mizera au morale bankrota vi opinias ke vi estas. Vi povas sperti gxin. Memoru, vi ne povas gajni gxin per ajna tipo de laboro. Estas nur per fido en la finita laboro de savo de Jesuo Kristo. Kredu al la Sinjoro Jesuo Kristo hodiau, kaj vi spertos la mirigan gracon kaj gxuos cxiujn gxiajn avantagxojn (vidu Agoj 16:31; Romanoj 3:24; 4:5, 16).
Je la servo de Dio,
Bayo Afolaranmi (Pastoro).

HOMO PROPONAS DIO DISPONAS

Estimataj,
HOMO PROPONAS DIO DISPONAS
"Multaj estas la intencoj en la koro de homo, Sed la decido de la Eternulo restas fortike" (Sentencoj 19:21).
Homoj havas multajn planojn kaj baldauajn kaj longtempajn kiujn ili intencas plenumi. La plimulto el tiuj planoj ecx havas difinitajn tempojn dum kiuj homoj volas plenumi ilin. La fakto ke homoj povus efektivigi tiujn planojn kiel planitaj faras ilin ne valortaksi la plimulton el tiuj planoj. Estas nur kiam tiaj planoj ne povas esti efektivigitaj kiel planitaj ke homoj pensas pri destino au hazardo. Plej ofte, multaj homoj ne memoras ke estas Dio kiu disponas tion kion homoj proponas. Multaj homoj ja forgesis la vortojn de la verkisto de la libro de Sentencoj: "La koro de homo pripensas sian vojon; Sed la Eternulo direktas lian iradon" (16:9).
Antau nelonge, tiu fakto estis evidenta en miaj aferoj. Mi ne povis plenumi mian celon en la oficejo tiutage, tial mi planis ke mi faros ekstran laboron en la oficejo je la sekva tago. Tamen, kiam mi preparigxis eliri al la oficejo je la sekva tago, mi ricevis telefonan alvokon de unu el miaj kuzoj ke li havis autan akcidenton je la antaua nokto, ke li estis en hospitalo por ricevi traktadon de vundoj kiujn li suferis de la akcidento, kaj ke mi tuj devus veni helpi tie. Mi estis malstabiligita pro la novajxo cxar tio signifus ke mi ne povos iri al mia oficejo tiutage por efektivigi miajn cxiutagajn devojn kaj ecx faros ekstran laboron kiel mi planis je la antaua tago. Kvankam, la parenco estis elhospitaligita en tiu tago el la malsanulejo, mi pasigis la tutan tagon cxeestante al liaj necesoj kaj ne povis fari ion kiun mi planis antaue por la tago. Homo proponas, Dio disponas!
Se nur homoj komprenus tion kaj cxiam implikus Dion en sian planadon. Jakobo en sia epistolo diris, "Atentu nun vi, kiuj diras: Hodiau au morgau ni iros al tiu urbo kaj restos tie unu jaron kaj negocados kaj profitos; kvankam vi ne scias, kio morgau okazos. Kio estas via vivo? Vi ja estas vaporo, kiu mallongan tempon montrigxas kaj poste malaperas. Anstatau diri: Se la Sinjoro volos, ni vivados kaj faros cxi tion au tion"(Jakobo 4:13-15).
Kiaj estas viaj planoj por la venonta minuto, horo, tago, semajno, monato, au jaro? Cxu vi engagxas Dion en tiujn planoj? Cxu vi specife diras kio okazos en la venonta minuto por ne paroli pri venonta jaro? La cxefa afero estas ke nur Dio determinas kio okazos je la sekva minuto, horo, tago, semajno, monato, au jaro. Tamen, cxi tio ne signifas ke oni ne havas planon au celon por sia estonta agado cxu mallonga tempo au longa tempo. Nur konfesu Dion en cxio kion vi planas fari, kaj Li vin gardos sur la gxusta vojo (vidu: Sentencoj 3:6).
Je la servo de Dio,
Bayo Afolaranmi (Pastoro).

PENTINTA, SED...

Estimataj,
PENTINTA, SED...
"En sia mizero li ekpetegis la Eternulon, sian Dion, kaj li tre humiligxis antau la Dio de siaj patroj. Kiam li pregxis al Li kaj petegis Lin, Li auskultis lian peton kaj revenigis lin en Jerusalemon al lia regno. Kaj Manase eksciis, ke la Eternulo estas la vera Dio" (2 Kroniko 33:12-13).
"Mi faros ilin objekto de teruro por cxiuj regnoj de la tero, pro Manase, filo de Hxizkija, regxo de Judujo, pro tio, kion li faris en Jerusalem" (Jeremia 15:4).
Nia Dio havas kompatemon kaj pardonemon (Daniel 9:9). Ankorau, oni devas esti zorgxema rilante al Li precipe plenumante Liajn ordonojn. La kialo estas ke se oni pekus kontrau Li kaj poste pentus, oni ankorau havos la konsekvencon de siaj pekoj (Sentencoj 11:21; 16:5).
La historio de Manase asertas cxi tion. Manase estis unu el la plej malbonaj regxoj en Izrael. Li estis la rekta malo de sia pia patro, Hxizkija. Li faris abomenindajxojn kolerigi la Eternulon. Lau tradicio, li estis tiu kiu mortigis profeton Jesajan. Post kiam Dio avertis lin kaj liajn popolon, kaj ili ne atentis la aventon de Dio, Dio igis lin malliberulo en la kortego de alia forta regxo. Tamen, en sia mizero, li pentis kaj petis pardonon de Dio.
La kompatema kaj pardonema Dio audis liajn pregxojn kaj revenigis lin al lia regno. Li poste vivis farante bonajxojn (vidu 2 Kroniko 33). Tamen, lia popolo havis la konsekvencon de liaj abomenajxoj (vidu Jeremia 15). La Eternulo promesis suferigi ilin pro tio kion li faris.
Oni ne vidu cxi tion kiel maljustecon je Dio. La popolo ankau havis sian propran parton de kulpo, sed tio ne estas la emfazo cxi tie. La emfazo estas iu aparta pentinta kaj pardonita persono estis uzita kiel aludo por venonta puno. Cxi tio indikas ke kvankam Dio pardonis Manasen, la puno de lia pekoj estis tie.
La puno de la pekoj de Manase eble ne rekte estis por li, sed la kazoj de David kaj Paulo estis malsamaj. David faris la pekojn de adulto kaj murdo. Alfrontite de profeto Natan, li pentis kaj pregxis la pregxon trovitan je Psalmo 51. Sendube, Dio pardonis lin je liaj pekoj, sed li pagis kare por ili (2 Samuel 12:13-14; 13-21). Paulo (antaue Saulo) persekutis la disxciplojn de Jesuo Kristo. Dum li havis rekontigxon kun Dio, Dio promesis, "cxar Mi montros al li, kiom li devas suferi pro Mia nomo" (Agoj 9:16). Li ja suferis.
Kion vi faras nun? Cxu gxi estas bona au malbona? Vi eble pensas pri posta pento. Tamen, audu la vortojn de Salomon: "Ni auskultu la finon de cxio: timu Dion, kaj plenumu Liajn ordonojn, cxar cxi tio estas cxio por la homo. Cxar cxiun faron Dio venigos al jugxo, ecx cxion kasxitan, cxu gxi estas bona au malbona" (Predikanko 12:13-14).
Je la servo de Dio,
Bayo Afolaranmi (Pastoro).
PS
Cxi tiu mesagxo estis unue dissendita je la 14-a de novembro, 2004.

CXU VI ESTAS SUR LA LISTO?

Estimataj,
CXU VI ESTAS SUR LA LISTO?
Ili sercxis siajn dokumentojn genealogiajn, sed cxi tiuj ne trovigxis; tial ili estis eligitaj el la listo de la pastroj. Kaj la regionestro diris al ili, ke ili ne mangxu el la plejsanktajxo" (Ezra 2:62-63a).
Kaj se iu ne trovigxis skribita en la libro de vivo, tiu estis jxetita en la fajran lagon" (Apokalipso 20:15).
La auxtobuso de la lernejo estis preta veturigi kelkajn lernantojn por ekskurso. Cxiu membro de la klaso volis iri, sed la kondicxo por la iro estis ke oni devis esti skribiginta sian nomon en listo de la klasinstruisto. Neniu el ili sciis la efektivajn homojn kiuj estis sur cxi tiu listo. Strange, estis ankoraux loko en la buso dum la instruisto finis elvoki la nomojn desur lia listo. La aliaj lernantoj petis ke li lasu ilin en la buson, sed li rifuzis cxar iliaj nomoj ne estis sur lia listo.
Sama evento okazis dum la Judoj revenis de ekzilo. La pastroj restarigis la adoron kaj oferojn al Dio laux la Mosea Legxo.Tamen, por diservi kiel pastro, oni devis konfirmi sian Levidan devenon - la ununura tribo kiu povis plenumi la pastrajn devojn. Tial venis kelkaj homoj de iuj urboj kiuj ne povis pruvi ecx sian apartenon al la Izraelidoj, des malpli al la Levidoj. Ili sercxis siajn dokumentojn genealogiajn, sed ili ne trovigxis; tial ili estis eligitaj el la listo de la pastroj.
Cxiu en la mondo gxuas la universalan bonecon de Dio. Dio ne diskriminacias benante multajn homojn surtere (Psalmo 145:9;Mateo 5:45; Agoj 14:17). Efektive, sxajnas ke Dio pli benas la malvirtulojn ol la virtulojn. Tamen, venos la tago kiam Dio turnigxos kontraux tiuj homoj, kies nomoj ne estas en Lia Libro de Vivo. Ili estos forigitaj de la cxeesto de Dio poreterne.
Por havi vian nomon en la Libro de Vivo, vi devas vere akcepti Jesuon Kriston - la ununuran Vojon al Dio (Johano10:7,9; 14:12) - kiel vian personan Savinton kaj Sinjoron (Johano 1:12; Agoj 16:31). Cxu vi estas sur la listo de la Libro de Vivo?
Je la servo de Dio,
Bayo Afolaranmi (Pastoro).
PS
Cxi tiu mesagxo estis unue dissendita je la 27-a de junio, 2004.

MI TROVIS AMIKON EN JESUO

Estimataj,
MI TROVIS AMIKON EN JESUO
"Mi jam ne nomas vin sklavoj, cxar la sklavo ne scias, kion lia sinjoro faras; sed mi nomis vin amikoj, cxar cxion, kion mi audis de mia Patro, mi sciigis al vi" (Johano 15:15).
La himno "I have found a friend in Jesus" [esperante: "Mi trovis amikon en Jesuo"] ankau konata kiel "The Lily of the Valley" [esperante: "La Lilio de Valoj"] estas unu el miaj preferataj himnoj. Oni scias malmulte pri la historio de la himno krom la fakto ke gxi estis verkita de William Charles Fry (1837-1882) en Lincoln, Anglio, laborante kun la Armeo de Savo (Salvation Army). Fry deklaris ke li trovis amikon en Jesuo cxar Li estas cxio por li. Li komparis Jesuon al la lilio de la valo, la "Amata" en la Kanto de Kantoj 'amaj karakteroj' (Kanto de Kantoj 2:1). Sendube, cxi tiu lilio de la valo simbolas la dolcxecan, purecan, fruktoplenecan, humilecan, kaj sanigan kvalitojn de Jesuo Kristo. Fry povis vidi nur en Jesuo cxion kion li bezonis esti purigita kaj esti farita plene. Li deklaris ke Jesuo estas lia konsolo en malgxojo kaj mizero cxar Jesuo diris al li forruli cxiun zorgon al Li cxar Li zorgas. Jesuo estas ja "la Lilio de la Valo, la Brila kaj Matena Stelo, Li estas la plej bela dek mil al mia animo."
Krom deklaro de William Charles Fry en tiu himno, Jesuo Kristo mem elektis cxiujn kiuj akceptas Lin kiel amikon kaj Li ne nur promesis fari multajn aferojn por Liaj amikoj, Li demetis Sian vivon kiel elacxeton por Liaj amikoj (vidu: Johano 15:13; Efesanoj 5:2; Romanoj 5:6-8; 1 Timoteo 2:6). Kiel amiko de Jesuo, iu ajn kiu akceptas Lin kiel sian Savanton kaj Sinjoron lernos multon de Li (Johano 15:15), fakte, Jesuo, per la Sankta Spirito, malkasxos multajn misterojn al li (Efesanoj 1:9; 3:5; Koloseanoj 1:26). Tia amiko havos rektan aliron al la trono de graco alproksimigi al Dio sen peranto, krom Jesuo Kristo (Hebreoj 4:14-16; 8:6; 9:15; 12:24; 1 Johano 2:1). Fakte, Li "...ofte amiko estas pli sindona ol frato" (Sentencoj 18:24).
Fry daurigis en sia himno atesti pli pri tiu granda Amiko kiu prenis lian malgxojon, metis cxiujn liajn malgxojojn, kaj farigxis lia forta kaj potenca turo en en tento. Li deklaris ke kvankam la tuta mondo forlasas lin kaj Satano dolore tentas lin, li sekure atingas la cxielan celon per Jesuo. Sekve, li forlasis cxion el sia koro por Li. Li ankau atestis ke Jesuo neniam, neniam forlasis lin, nek forlasos lin cxi tie, ke kiel li vivis per fido kaj plenumis la volon de Jesuo, Jesuo estus muro el fajro cxirkau gxin. Do, li havus nenian timon, cxar per manao de Jesuo Li plenigas lian malsatan animon. Efektive, li trovis grandan Amikon en Jesuo!
Cxu vi trovis tian Amikon en Jesuo Kristo? Cxu vi konfesos kiel William Charles Fry ke Jesuo Kristo estas cxio por vi? Invitu Lin en vian vivon hodiau kaj permesu Lin preni tutan kontrolon de via vivo. Vi vere gxuos Lin!
Je la servo de Dio,
Bayo Afolaranmi (Pastoro).