EN KIO VI BAZAS VIAN FIDON?

Estimataj, EN KIO VI BAZAS VIAN FIDON? "Sed se al iu el vi mankas sagxeco, li petu Dion, kiu donacas al cxiuj malavare kaj ne riprocxas, kaj gxi estos al li donata. Sed li petu en fido, neniel dubante; cxar la dubanto similas ondon de la maro, ventopelatan kaj skuatan. Cxar tiu homo ne pensu, ke li ricevos ion de la Sinjoro – duoblanima homo, sxanceligxa en cxiuj siaj vojoj" (Jakobo 1:5-8). Antau nelonge frumatene, mi havis renkonton kun unu el miaj surretaj kontaktoj. Li diris ke la biblia verso kiun mi uzis por la tago temante pri esti optimisma estis por li kiel li intencas skribi ekzamenon la postan tagon. Li tiam petis ke mi diru kelkajn vortojn de pregxo por li, kaj mi tuj faris tion. Tamen, li insistis kaj ecx petegis min, ke mi devus surbendigi mian pregxon kaj sendi gxin al li kiel audan mesagxon cxar li kredas pli en auda pregxo ol skribita pregxo. Mi igis lin kompreni ke se li ne povus kredi je la simpla skribita pregxo, estos malfacile por li kredi je mia daura pregxo por li. Mi ecx dubas, cxu la auda pregxo kiun li volis estus efika se mi aprobus la peton. Mi miras, kial li bazis sian kredon en auda pregxo. Cxi tiu surreta kontakto estas diferenca de la centestro kies rakonto estis registrita en Mateo 8:5-13 kaj Luko 7:1-10. Unu el la servantoj de tiu centestro malsanis al la punkto de morto. La centestro eliris al Jesuo Kristo kaj petis lin veni kaj sanigi la servanton. Jesuo Kristo konsentis sekvi la centestron al lia domo, sed la viro respondis: "Sinjoro, mi ne estas inda, ke vi venu sub mian tegmenton; sed nur parolu vorte, kaj mia knabo sanigxos. Cxar mi ankau estas homo sub autoritato, havante soldatojn sub mi; kaj mi diras al cxi tiu: Iru; kaj li iras; kaj al alia: Venu; kaj li venas; kaj al mia sklavo: Faru cxi tion; kaj li gxin faras" (Mateo 8:8-9). Jesuo Kristo ja laudis tian grandan fidon kaj la malsana servanto sanigxis je tiu horo. La centestro ne kredas je la fizika cxeesto de Jesuo Kristo, sed bazis sian kredon je efika vortoj de Jesuo Kristo. Multaj homoj nuntempe estus preferintaj, ke Jesuo Kristo estas fizike cxeestanta por sanigi ilin au interveni en iliaj situacioj. Cxar cxi tio estas ne ebla, tiuj personoj turnas sin al tio, ke ili bazas sian fidon sur tio kion ili povas vidi, tusxi, senti, audi, kaj/au flari antau ol ili povas kredi, ke ili estas resanigitaj au ke Jesuo Kristo intervenis en iliaj situacioj. Ne mirinde, tiaj personoj estas trompitaj de falsaj profetoj/pastoroj kaj "pregxaj komercistoj" de la moderna tago. En kio vi bazas vian fidon? Bazu vian fidon en la efikeco de simpla pregxo en fido al Dio. Io ajn krom tio estas nura forvelkado de onia tempo (vidu: Jakobo 1:5-8; Mateo 21:22; Marko 11:22-24; Hebreoj 11:6). Je la servo de Dio, Bayo Afolaranmi (Pastoro). Pregxa Punkto: Pregxu ke vi ne bazu vian fidon sur iu ajn alia afero au persono krom la efikeco de simpla pregxo en fido al Dio per Jesuo Kristo.

KIO OKAZIS ERARE?

Estimataj, KIO OKAZIS ERARE? "Asa agadis bone kaj juste antau la Eternulo, sia Dio" (2 Kroniko 14:2). “Asa ekkoleris kontrau la [profeto] kaj metis lin en malliberejon, cxar li indignis kontrau li pro [la admono]; ankau kelkajn el la popolo Asa premis en tiu tempo" (2 Kroniko 16:10). Asa estis unu el la bonaj regxoj de Judujo. La skribintoj de la Skribajxoj rankontis pri liaj bonaj faroj jene: li agadis bone kaj juste antau la Eternulo, sia Dio (2 Kroniko 14:2); li forigis la altarojn de fremdaj dioj kaj la altajxojn (2 Kroniko 14:3, 5); li elpelis la malcxastistojn el la lando de Judujo (1 Regxoj 15:12); li ordonis al la Judoj turni sin al Dio kaj obei Lin (2 Kroniko 14:4); li fidis al Dio dum tempo de milito (2 Kroniko 14:11); li renovigis la altaron de la Eternulo (2 Kroniko 15:8b); li kondukis la popolon judan kaj ecx kelkaj el Izrael reoficialigis sian interkonsenton kun Dio (2 Kroniko 15:10-14); li ecx senigis Maahxan, sian avinon je sxia titolo de regxino pro sxia idolisteco (2 Kroniko 15:16); kaj lia koro estis perfekta dum lia tuta vivo (2 Kroniko 15:17). Pro cxi tio, Dio donis al li kaj lia popolo trankvilecon cxirkaue (2 Kroniko 14:6, 7). Ecx, dum iu kun vasta militistaro militis kontrau li, Dio donis al li grandan venkon kun multaj rabajxoj (2 Kroniko 14:9-15). Tamen, liaj lastaj jaroj estis tragedio! Li forlasis la cxiopovan Dion por nura homo dum alia lando militis kontrau li (2 Kroniko 16:1-6). Dum iu profeto de Dio alfrontis lin pro lia nefido je Dio, li koleris kaj metis la profeton en malliberejon (2 Kroniko 16:7-10). Li ankau premis brutale kelkajn el la popolo (2 Kroniko 16:10b). Dum li estis malsanigita, li rifuzis turni sin al Dio (2 Kroniko 16:12). Li mortis en tiu malsano! Oni miras kio fakte okazis erare en la vivo de Asa. Kial li komencis bone kaj finis tragedie? La skribintoj de la Skribajxoj ne informis lin pri lia kadukigxo. Sxajne, liaj sukcesoj fierigis lin kaj li forgesis sian Dion. Cxi tio estas pensigajxo por ni. Pensu pri vi mem. Cxu vi servas Dion en la maniero en kiu vi iam servis Lin kelkajn jarojn antaue? Cxu vi ne malplibonigxas je via dedicxo al Dio? Kio okazis erare? Vi devas pensi pri gxi en via rilato kun Dio kaj "Pripensu bone vian staton" (Hxagaj 1:5, 7). Je la servo de Dio, Bayo Afolaranmi (Pastoro). Pregxa Punkto: Pregxu, ke vi cxiam konsideru viajn manierojn, ke nenio deturnu vin de via bona rilato kun Dio.

KIAM SUKCESO OKAZAS

Estimataj, KIAM SUKCESO OKAZAS "Moseo ekkondukis la Izraelidojn for de la Rugxa Maro, kaj ili eliris al la dezerto Sxur; ili iris dum tri tagoj tra la dezerto kaj ne trovis akvon. Ili venis al Mara, sed ili ne povis trinki la akvon en Mara, cxar gxi estis maldolcxa; tial oni donis al la loko la nomon Mara" (Eliro 15:22-23). La popolo Izraela jxus havis grandan sukceson - Dio savis gxin tute de la premantaj Egiptanoj igante gxin trapasi la Rugxan Maron sur seka tero kaj tute dronigante gxiajn malamikojn en la maro (Eliro 14). Gxi konfesis cxi tiun venkon kantante kantojn de laudo al la Eternulo (Eliro 15:1-21). Tamen, tuj post forlaso de la Rugxa maro, malfacila tasko trafis gxin - vagado en la dezerto dum tri tagoj sen trovo de akvo. Ecx kiam la Izraelidoj finfine trovis akvon, ili ne povis trinki gxin cxar gxi estis maldolcxa. La reago de la popolo Izraela montris ke gxi ne povis regi sian sukceson nek povis fidi al la fonto de la sukceso. Tamen, la emfazo cxi tie ne temas pri la reago de la Izraelidoj, sed pri sekvo de la sukceso. La Sankta Biblio estas plena de sekvoj de sukcesoj: Noa ne povis regi sin post la unua frukto de sia laboro post la diluvo (Genezo 9); oni postulis Abrahamon oferi la filon kiun li havis je sia maljuneco (Genezo 22); la popolo Izraela iris trans la Rivero Jordano sur seka tero en la atendantajn manojn de la malamikaj Kanaanidoj (Josuo 3-10); Gideon falis en la pekon de idolkulto post kiam Dio donis al li kal la popolo Izraela venkon super la premantaj Midianidoj (Jugxistoj 8:22-27); Samson malsukcesis regi siajn multajn sukcesojn super la furiozantaj Filisxtoj kaj finfine falis en iliajn manojn (Jugxistoj 14-16); Samuel estis sukcesa pastro de Dio, sed li ne povis instrui al siaj filoj la vojojn de Dio (1 Samuel 7:13-8:3); avidado venkis Saulon post lia sukceso super la Amalekidoj (1 Samuel 15); David falis en pekojn de adulto kaj murdo post kiam Dio starigis lian regnon (2 Samuel 11); malgrau sia sagxo, Salomono amis kaj edzinigis multajn fremdajn virinojn je sia risko (1 Regxoj 11); notinda estis Uzijan kies sukceso igis lin iri kontrau la legxo de Dio (2 Kroniko 26:16-21). La listo ne povas esti elcxerpita. Cxu vi scias ke sukceso ne estas la fino de la rakonto en via vivo? Cxu vi cxiam preparas vin regi la sekvojn de via sukceso? Kiam sukceso okazas, estu preta alfronti pluajn malfacilajn taskojn. Tiaj taskoj eble estos pozitivaj au negativaj. Pregxu ke Dio ebligu al vi regi ilin sukcese. Je la servo de Dio, Bayo Afolaranmi (Pastoro).