"SXI FERMIS NUR UNU OKULON!"

Estimataj, "SXI FERMIS NUR UNU OKULON!" "Kaj kial vi rigardas la lignereton en la okulo de via frato, kaj ne pripensas la trabon en via okulo? Kiel vi diros al via frato: Lasu min eltiri la lignereton el via okulo; kaj jen la trabo en via propra okulo? Hipokritulo, eligu unue la trabon el via okulo, kaj tiam vi klare vidos, por eltiri la lignereton el la okulo de via frato" (Mateo 7:3-5). Kvankam estas ne precize skribite en la Sankta Biblio ke ni devas fermi niajn okulojn dum ni pregxas, sed tio jam farigxis gxenerala normo. Cxi tiu normo igis mian kvinjar-agxan filon akuzi sian dujar-agxan fratinon tuj kiam ni finis nian matenan pregxon iutage ke sxi fermis nur unu okulon dum ni pregxis. La demando per kiu lia patrino kaj mi pridemandis lin estis, kiel li sciis ke sxi ne fermis siajn du okulojn dum ni pregxis. Sendube, li ne fermis siajn okulojn dum ni pregxis. Li ne povis nei cxi tiun fakton. Cxi tiu okazajxo rememorigis min pri la vortoj de Jesuo Kristo cititaj supre. Multaj homoj estas rapidaj vidi la malforton kaj nefarojn de aliaj dum ili malfacile identigas tiujn cxe si. Efektive, estas facile vidi la kulpojn de aliaj homoj cxe ni, sed malsukceso vidi niajn proprajn kulpojn estus ago de hipokriteco. Tial, ni lernu cxiam interne rigardi nin antau ol ni ekstere rigardu aliajn por kulpigi ilin pro io ajn farita malbone. Ecx dum estas evidente ke la aliaj homoj kulpas, ni estu malrapidaj kaj sagxaj elmontri cxi tion, memorante ke ni ankau ne estas perfektaj. Regxo David falis en cxi tiun agon de rapida jugxo dum profeto Natan venis por akuzi lin pro la afero de Bat-Sxeba. Li estis rapida vidi la nefaron de iu ricxulo kiu superruzis iun malricxulon, kaj ecx tuj eldiris jugxon pri la ricxulo. La respondo de Natan estis, "Vi estas tiu homo!" (2 Samuel 12:7). Eternulo, helpu min esti malrapida vidi la kulpojn de aliaj, sed rapida vidi miajn kaj ecx preta sxangxi miajn vojojn al la bono. Amen. Je la servo de Dio, Bayo Afolaranmi (Pastoro). PS Cxi tiu mesagxo estis unue dissendita je la 20-a de marto, 2005.

VI, MIA ETERNA PARTO

Estimataj, VI, MIA ETERNA PARTO "Mia parto estas la Eternulo, diras mia animo; tial mi esperas al Li" (Plorkanto 3:24). "Alproksimigxu al Dio, kaj Li alproksimigxos al vi. Purigu la manojn, vi pekuloj, kaj cxastigu la korojn, vi duoblanimuloj" (Jakobo 4:8). Himnoj de Fanny Jane Crosby cxiam logas min. Jen estis blinda sinjorino kiu malgrau sia malkapablo donis sian vivon por esti uzita de sxia Kreinto kiel verkisto de himnoj kies himnoj ankorau benas milionojn da animoj gxis hodiau. El disponebla historio, unu el sxiaj himnoj titolita en la angla "Close to Thee" [esperante: Proksime al Vi] estis verkita kiam Silas Jones Vail venis al sxi kun formita melodio kaj petis sxin pensi iujn vortojn kiuj iros kun la melodio. Kiam Vail ludis la melodion, Crosby komentis, ke la refreno sonis kiel "Proksime al Vi; Proksime al vi." Vail konsentis, kaj Crosby verkis la vortojn de la himno kun la unua linio "Vi, mia eterna Parto." Por iu kiu vere scias Tiun kiu li/sxi adorservas, Dio estas ja la eterna Parto de iu ajn kredanto, kiu estas pli ol amiko au vivo al la kredanto. Sekve, la deziro de cxiu kredanto estu iri kun la Savanto proksime en la tuta pilgrima irado de la kredanto sur tero. Ne devus esti por facileco au monduma plezuro, nek por famo, sed la pregxo de la kredanto estu cxar li volonte laboras kaj suferas, simple iras proksime kun la Savanto. Fanny Jane Crosby tiam aldonis tiujn pregxojn, ke la Savanto devus konduki sxin tra la valo de ombroj, kaj portu sxin super netrakvila maro de vivo por ke sxi povu eniri en la pordegon de eterna vivo kun la Sinjoro. Cxu vi ankau faris Dion via eterna Porcio? Cxu via deziro estas promeni proksime kun Li? Se jes, tiam Li pasxos pli proksima al vi kaj vi certe scias, ke Li estas pli ol amiko al vi, kiel Li kondukos vin tra iu ajn valo au monto de vivo, gxis vi regxos eterne kun Li. Ja, Dio estas mia eterna Parto! Je la servo de Dio, Bayo Afolaranmi (Pastoro).

DIO PAROLAS SENSENCAJXON!

Estimataj, DIO PAROLAS SENSENCAJXON! "Ni parolas la sagxecon de Dio en mistero, la sagxecon kasxitan, kiun Dio antaudestinis antau la mondagxoj por nia glorado; kaj kiun scias neniu el la regantoj de cxi tiu mondo.... Sed la natura homo ne akceptas la aferojn de la Spirito de Dio; cxar ili estas por li malsagxeco; kaj li ne povas ilin scii, pro tio, ke ili estas jugxataj spirite" (1 Korintanoj 2:7-8a, 14). Fojojn sen nombro, mi renkontis homojn rete kiuj deklaris, ke ne ekzistas Dio. Se mi provis atentigi al la Sankta Biblio, ili dirus ke la Libro estas unu el la elpensitaj historioj de iuj judoj. Se mi daurigis plu aserti, ke la Sankta Biblio estas la Vorto de Dio, ili konkludas ke Dio, se Li ekzistas, parolas sensencajxon! Ni konsentas ke tiaj homoj estas ateistoj, agnostikuloj, liberaluloj, liberpensuloj au simple nekredantoj au ne-kristanoj. Apostolo Paulo aludis ilin kiel "naturaj homoj." Tamen, multaj tiel nomataj kristanoj povas ankau esti referitaj kiel naturaj viroj cxar ili malfacile povas kredi kelkajn instruojn de la Biblio, ne paroli pri praktiki tiajn instruojn. Apostolo Paulo akceptis en la 1 Korintanoj 2 ke la Vorto de Dio estas mistero, kaj nur homoj kiuj havas la Spiriton de Dio povas kompreni gxin. Ne mirinde, li jam antaue diris, "Cxar la priparolo de la kruco estas por la pereantoj malsagxeco" (1 Korintanoj 1:18). La Vorto de Dio estas malsagxeco al la natura homo cxar li ne estas de la Spirito de Dio, kaj ne pensas per la Spirito de Dio. Dio ekzitas, kaj Li NE parolas sensencajxon! Li faris Sin konata al cxiuj. Nur malsagxulo havos kontrauan opinion pri tio. Estas malfacilaj mesagxoj en la Vorto de Dio. Tamen, ili estas kompreneblaj. Nur tiuj kiuj cedas al la gvideco de Dio komprenos Lin kaj Lian Vorton. Je la servo de Dio, Bayo Afolaranmi (Pastoro). Pregxa Peto: Sinjoro, donu al mi humilan spiriton, por sercxi vin kaj instruaman koron por lerni kaj kompreni viajn vortojn en la nomo de Jesuo. Amen.

NOVA INTERLIGO

Estimataj, NOVA INTERLIGO "Kaj Li diris: Jen Mi faros interligon; antau via tuta popolo Mi faros miraklojn, kiuj neniam ekzistis sur la tuta tero nek cxe iuj gentoj; kaj la tuta popolo, en kies mezo vi estas, vidos la faron de la Eternulo; cxar terura estos tio, kion Mi faros por vi. Observu tion, kion Mi ordonas al vi hodiau"(Eliro 34:10-11). Dum la popolo de Israelo estis survoje el la lando de sklaveco al la Promesita Lando, ili perdis fokuson en Dio kaj sercxis homfaritan dion. Moseo, lia videbla cxefo estis tiam sur la monto kun Dio. Dio volis detrui tiujn ribelemajn homojn, sed Moseo propetis por ili. Dio tiel decidis komenci denove kun ili por fari novajn interligon kun ili. En la procezo de komenco denove kun la Izraelidoj, Dio petis al Moseo fari novajn briketojn por la Dek Ordonoj. Plej speciale, Li promesis fari novan interligon kun ili. En cxi tiu nova interligo, Dio promesis fari miraklojn, kiujn Li faris neniam antaue en iu ajn nacio. Li promesis ke aliaj personoj kiuj vivis cxirkau ili vidos kiel timinda estos la faro, kiun Li faros por la Izraelidoj. Tamen, kiel bona tiel tiu interligo estis, gxi havis striktan kondicxon: obeado. La Eternulo estis preta forpeli cxiujn malamikojn antaux la Izraelidoj, sed ili devas obei Lin, ne farante ajnan traktaton kun la popolo. Ili devas rompi cxiujn idolojn, kiujn la malamikoj adoris kaj neniam provas adori ilin. La kialo estas, ke la Eternulo, Dio estas Dio kolerema. Cxu vi ankau volas ke Dio faru novan interligon kun vi cxi-jare? Jes, Dio ja faros novan interligon kun vi kaj Li faros miraklojn en via vivo, ke homoj vidos kaj kungxojas kun vi. Tamen, vi devas obei Dion kaj estu preta servi al Li sola. Je la servo de Dio, Bayo Afolaranmi (Pastoro).