NE ESTU MALKURAGXAJ

Estimataj, NE ESTU MALKURAGXAJ “Estu kuragxaj kaj fortaj, ne timu, kaj ne sentu teruron antau La regxo de Asirio kaj antau la tuta homamaso, kiu estas kun li, cxar kun ni estas pli, ol kun li: kun li estas brako karna, sed kun ni estas la Eternulo, nia Dio, por helpi al ni kaj por batali en niaj bataloj. Kaj la popolo vigligxis de la vortoj de Hxizkija, regxo de Judujo” (2 Kronikoj 32:7-8). Sanhxerib, regxo de Asirio, kiu estis tiama monda potenco, venis en Judujon kaj eksiegxis gxin. Li minacis la popolon cedi al li anstatau cedi al la vortoj de kuragxigo de Hxizkija, regxo de Judujo. La popolo havis cxiun kauzon paniki pro la militaj sukcesoj de tiu Asiria regxo kaj liaj antauuloj. Tamen, ili gajnis konfidon el la vortoj de Hxizkija cxar ili kredis kiel Hxizkija diris ke Sanhxerib fidis al homaj rimedoj dum ili havis la dian subtenon. La Eternulo ja helpis la popolon, kaj la homaj rimedoj de Sanhxerib faris al li malsukceson terure. Homoj estas inklinaj fidi al homaj kaj materiaj rimedoj hodiau, kaj ili eble uzos ilin por premi aliajn homojn. Tamen, la premitaj ne devas malkuragxigxi. Se ili povus fidi al Dio kiel la popolo Juda faris, Dio helpos ilin je Sia rimedo kaj je Sia tempo. Ne gravas la forto de la premanto, la Eternulo jam promesis, “Ne timu, cxar Mi estas kun vi; ne maltrankviligxu, cxar Mi estas via Dio; Mi vin fortigos, Mi vin helpos, Mi vin subtenos per Mia justa dekstra mano” (Jesaja 41:10), “…cxar pli granda estas Tiu, kiu estas en vi, ol tiu, kiu estas en la mondo” (1 Johano 4:4). Kiu au kio estas la “Sanhxerib” kiu jam “eksiegxis” vian vivon kiu igas vin esti tima au malkuragxigita? Cxu la afero au persono minacas vin kaj vi estos perdonta esperon? Ne estu malkuragxigita! Kiel Hxizkija, mi petas vin fidi al Dio. Li estas kun vi. Li faros viajn batalojn, kaj vi baldau atestos pri la boneco de Dio sur via vivo. Je la servo de Dio, Bayo Afolaranmi (Pastoro). Pregxa Punkto: Pregxu ke vi ne estu malkuragxa malgrau ia kontrauajxo kiun vi havas.

KIO OKAZOS POST VIA SCENO?

Estimataj, KIO OKAZOS POST VIA SCENO? "Kaj Haman ektremis antau la regxo kaj la regxino.... Kaj oni pendigis Hamanon sur la arbo, kiun li pretigis por Mordehxaj" (Ester 7:6b, 10a). "Parolu pri la justulo, ke estas bone al li; cxar ili mangxas la fruktojn de siaj faroj. Ve al la malbona malvirtulo! cxar la faroj de liaj manoj estos repagitaj al li" (Jesaja 3:10-11). Lastatempe, mi estis kun grupo de homoj kiuj diskutis sxerce pri iu, kiu antau nelonge lasis pozicion de autoritato. Lau cxi tiuj homoj, la homo farigxis temo de sxerco, cxar li ne kondutis bone al aliaj kiam li estis en autoritato. Fakte, li ne plu povas rilati bone kun aliaj cxar liaj agoj dum lia ofico cxasas lin negative nun. Neniu ecx volas esti asociita kun li. Mi ne konas cxi tiun personon, sed, la komentoj de la homoj pri li post kiam li lasis tiun pozicion de autoritato igis min pensi profunde pri mi mem: se mi lasos la scenejon, kiel mi estas baldau, kion oni diras pri mi? Cxu mi povos movigxi libere kun la homoj super kiuj mi iam havis autoritaton? Cxu tiuj homoj estos pretaj por esti asociitaj kun mi post cxiuj tiuj sukaj pensoj kiam la ofico ne plu ekzistas? Pro kio oni min memoros post kiam mi forlasos la scenejon? Cxiu pozicio de autoritato estas tempigita. Gxi finigxos unu tagon au pro tempokadro au fine pro morto. Neniu pozicio de autoritato estas permanenta. Ecx la pozicio de “permanenta sekretario” ne estas permanenta! Cxiu el cxi tiuj pozicioj estas sceno. Kiel vi plenumas la vian? Kio okazos al vi post la sceno kiam vi ne plu estos en tiu pozicio de autoritato? Ekzemploj abundas en la Biblio kaj en historio de tio kio okazis al kelkaj homoj post kiam ili forlasis siajn poziciojn de autoritato. Haman en la Libro de Ester estas klasika ekzemplo. Kiel dua en komando, li farigxis senvalora kaj mortis en la tago en kiu li perdis la favoron kun la regxo Ahxasxverosx. Li estis pendigita sur la arbo kiun li komence estis stariginta por pendigi Mordehxajon. Liaj posteuloj estis detruitaj poste. Lia post-sceno estis tiel malbona pro lia malboneco, kiam li estis en pozicio de autoritato. Krom la "rekompencoj" kiun homoj donos al tiuj kiuj forlasis siajn scenojn de autoritato, Dio ankaux revenigos iliajn agojn al jugxo. La verkisto de Predikanto diris, "Cxar cxiun faron Dio venigos al jugxo, ecx cxion kasxitan, cxu gxi estas bona au malbona" (12:14. Vidu ankau: Psalmo 58:11; 128:2; Proverboj 12:14; 13:21; Predikanto 8:12; Jeremia 17:10; Romanoj 14:10; Galatoj 6:7-9; Efesanoj 6:8; Hebreoj 6:10; 13:16; Apokalipso 22:12). Kio okazos post via sceno de autoritato? Je la servo de Dio, Bayo Afolaranmi (Pastoro). Pregxa Punkto: Pregxu, ke vi plenumu vian scenon de autoritato bone en rimedo kiel vi ricevos pozitivajn "rekompencojn" de aliaj homoj kaj Dio, kiam vi forlasas la scenejon.

SE DIO NE RESPONDUS AL VIAJ PREGXOJ...

Estimataj, SE DIO NE RESPONDUS AL VIAJ PREGXOJ... "Ho, se mia peto plenumigxus, Kaj se Dio donus al mi tion, kion mi esperas! Ho, se Dio komencus kaj disbatus min, Donus liberecon al Sia mano kaj frakasus min! Tio estus ankorau konsolo por mi; Kaj mi gxojus..." (Ijob 6:8-10). Estas evidente el la Sankta Biblio kaj spertoj de vivo ke Dio ne respondas al cxiuj pregxoj, ecx tiuj de Siaj virtuloj! Ijob estis virtulo. Dio, Mem, atestis tion dum Satano provis akuzi Ijobon (vidu: Ijob 1:8; 2:3). Tamen, Dio permesis al Satano tenti Ijobon detruante cxion kion Ijob posedis, inkluzive liajn infanojn. Satano ecx "frapis Ijobon per turmentaj abscesoj de la plando de lia piedo gxis lia verto" (Ijob 2:7). Je sia agonio, Ijob pregxis ke Dio mortigu lin, almenau por savi lin el cxi tiuj suferoj (vidu: Ijob 6:8-10). Dio ne respondis al la pregxo. Por aldoni insulton al la vundo de Ijob, liaj amikoj akuzis lin kaj liajn mortintajn infanojn pri nefaro kontrau Dio. Malgrau la sufero de Ijob kaj la sxajna silento de Dio al lia travivo, Ijob restis fidela al Dio. Li povis ankorau deklari, "Li ja mortigos min, kaj mi ne havas esperon" kaj "Sed mi scias, ke mia Liberigonto vivas, Kaj fine Li levigxos super la polvo" (Ijob 13:15; 19:25). Sxajnis ke li sciis pri cxi tiu promeso de Dio: "Cxar Mi scias la intencojn, kiujn Mi havas koncerne vin, diras la Eternulo, intencojn al bono kaj ne al malbono, por doni al vi estontecon kaj esperon" (Jeremia 29:11). Dio ja benis Ijob multoble je la fino. Anstatau fari tion kio sxajnis pli bone al Ijob, Dio faris Sian plej bonon por li! Multfoje, Dio jam intence rifuzis respondi al la pregxoj de Siaj virtuloj. Cxi tiuj homoj estus malfelicxaj ke Dio ne faras tion kion ili pensas ke gxi estas bona por ili. Oni devas esti matura spirite por akcepti la rifuzon de Dio por onia peto precipe dum oni trapasas neplacxan alfronton de vivo. Oni eble povas pensi ke onia peto estas la plej bono dum Dio havas pli bonan planon ol onia plej bona peto. Se Dio ne respondus al viaj pregxoj, kion vi faros? Cxu vi ankorau restus fidela al Li? Cxu vi estas preta akcepti Lian rifuzon por via peto atendante Lian pli bonan planon por vi? Je la servo de Dio, Bayo Afolaranmi (Pastoro). Pregxa Punkto: Pregxu por la graco ke vi povu akcepti la rifuzon de Dio por via peto pro via bono.