KIO ESTAS LA PROPRAJXO DE CEZARO?

Estimataj, KIO ESTAS LA PROPRAJXO DE CEZARO? "Kaj [Jesuo] diris al ili: Tial redonu al Cezaro la proprajxon de Cezaro, kaj al Dio la proprajxon de Dio" (Luko 20:25). Ni estis en klaso de dimancxa lernejo antau nelonge kiam iu partoprenanto private rakontis al mi, ke ni povas peki foje cxar Jesuo Kristo diris, ke ni donu al Cezaro la proprajxon de Cezaro. Li plu diris, ke doni al Dio la proprajxon de Dio kiam ni atingos pregxejon por adorservi Lin. Mi tuj neis lian opinion kaj klarigis, ke Jesuo ne parolas pri peko en tiu verso, sed cxefe pri nia civitana respondeco al la registaro kaj la socio. Li malvolonte kapjesis en interkonsento. Tiu erara aludo al la proprajxo de Cezaro faris min pensi pli pri kio vere estas la proprajxo de Cezaro kaj kio estas vere la proprajxo de Dio. Se oni zorge rigardus la verson (kaj aliajn paralelajn versojn: Mateo 22:15-22; Marko 12:13-17), oni havas plian komprenon pri cxi tio. La Fariseoj kaj la Herodanoj koluziis kune kaj sendis kelkajn el siaj discxiploj al Jesuo, por kapti Lin. Ili demandis, "Cxu konvenas al ni doni tributon al Cezaro, au ne" (Luko 20:22). Se Jesuo aprobis pagi tributon al Cezaro, li ofendas la judojn, kaj tio povus senkreditigi Lian oficon inter ili. Se Li malaprobis pagi tributon al Cezaro, por la religiaj gvidantoj estus facile havi pruvon por akuzi Lin antaux la regantaj Romaj potencoj. Tamen, estante cxioscia, Li sciis iliajn petolajxojn. Do, Li petis ke ili donu al Li al Li moneron. Post kiam estis provizita la monero, Li demandis pri la bildo sur la monero. Ili informis Lin, ke la bildo estis tiu de Cezaro. Li tiel rakontis al ili doni al Cezaro la proprajxon de Cezaro, kaj al Dio, la proprajxon de Dio. La monero kaj aliaj materialoj uzataj kiel monvaloroj havas la bildojn de cxi tiu mondo kaj gxiaj gvidantoj, kaj ili apartenas al cxi tiu mondo kaj la regantoj de cxi tiu mondo. Ili devus esti redonita al la mondo. Aliaj aferoj inkludante regulojn kaj regularojn kreitajn de la mondo devus esti strikte aligxintaj al gxi se ili ne estas kontrauaj al la reguloj kaj legxoj de Dio (vidu: Agoj 4:19; 5:29). Tamen, homoj kiuj uzas la monon estas kreitaj lau la bildo de Dio kaj apartenas al Dio. Do, ili donu siajn vivojn kiuj portas la bildon de Dio al Dio. Apostolo Paulo metis gxin tiamaniere: "Mi do vin petas, fratoj, pro la kompatoj de Dio, ke vi prezentu viajn korpojn kiel vivantan oferon, sanktan, placxantan al Dio, kio estas via racia servo" (Romanoj 12:1). Se oni povas doni sian vivon plene al Dio, ne estus malfacile doni al la mondo kaj gxiaj gvidantoj, kio apartenas al ili, kaj ecx uzi tion, kio apartenas al la mondo, por glori Dion. La persono kiu donis sianvivon plene al Dio trovas malfacile malobservi la regulojn kaj legxojn de la mondo (kiam ili ne estas kontrauaj al la reguloj kaj legxoj de Dio), kaj li volonte obeas la regulojn kaj legxojn de Dio. Je la servo de Dio, Bayo Afolaranmi (Pastoro). Pregxa Punkto: Pregxu, ke vi povos doni vian vivon plene al Dio kaj kiel vi donos al la mondo kio apartenas al gxi vi povos tion fari kaj uzi gxin por Lia gloro.

VI FARIGXOS REFERENCA PUNKTO ESTONTE!

Estimataj, VI FARIGXOS REFERENCA PUNKTO ESTONTE! "La memoro de piulo estas benata; Sed la nomo de malpiuloj forputros" (Sentencoj 10:7). Sentencoj 10:7 (citita supre) estas vaste citita plejparte memorante la mortintojn. Tamen multaj bonaj homoj povas esti memorataj dum ili ankorau vivas, kaj ilia memoro estas beno. Male, la memoro pri multaj homoj, kiuj ankorau vivas, estas malbeno! Okazajxo okazinta antau nelonge konfirmas tion. Unu el miaj malnovaj duagrandaj lernejaj samklasanoj afisxis amuzan bildstrion de instruisto batanta studenton per longa bastono sur la WhatsApp-pagxo de niaj malnovaj samklasanoj. Li tiam demandis membrojn de la grupo identigi, kiu el niaj iamaj instruistoj reprezentas la instruiston en la bildstrio. Multaj el ni komencis mencii iujn el niaj iamaj instruistoj kiam ni estis en la lernejo en la 1980-aj jaroj, kiujn ni kredis esti famaj pro disciplinado de studentoj per bastono. Dum cxiu el ni menciis instruiston, la aliaj malnovaj lernejaj samklasanoj donus amuzan komenton pri la instruisto, kaj la aliaj atestus gxin per aliaj ridigaj komentoj. Cxi tio dauris gxis unu el la malnovaj lernejaj kunuloj demandis pri la loko de aparta iama instruisto. La diskuto tuj sxangxigxis de sxerco al laudado, dum la malnovaj samklasanoj ekparolis pri la bona karaktero de cxi tiu aparta instruisto kaj kiel ili ne povas forgesi lin pro la pozitivaj efikoj, kiujn li faris en iliaj vivoj ecx post tridek jaroj. Mi tre kortusxis per cxi tiuj bonaj raportoj pri iu, kiu diligente kaj senscie plenumis sian devon antau pli ol tridek jaroj, kaj homoj ankorau povas memori lin pro liaj bonaj agoj jarojn poste. Felicxe, la instruisto ankorau vivas kaj mi ne hezitis dividi la diskuton pri la grupa babilado kun li. La memoro pri la piuloj ja estas benita. Kion homoj dirus pri vi, se via nomo estas menciita en ilia audo? Pro kio vi estus memorita ecx nun, kiam vi ankorau vivas? Cxu vi gxojus, se homoj komencos rakonti tion, kion vi faris antau multaj jaroj? Cxi tio memorigas min pri joruba aksiomo: "Arise ni arika; arika ni baba iregun. Ohun ti a ba se ni oni, oro itan ni bi o ba di ola" [lauvorte: "Kion oni faris au faras, kion homoj rakontos; kion homoj rakontos pri oni estas la patro de referenca punkto. Kion oni faras nuntempe, sendube farigxos historio morgau"]. Gardu vin pri tio, kion vi faras nuntempe. Vi farigxos referenca punkto estonte. Jen alia joruba aksiomo: "Iyan ogun odun a maa jo ni ni owo" [lauvorte: “oni ankorau povas senti la varmecon de la batita ignamo de dudek jaroj, tio estas, oni ankorau havos postefikojn por tio, kion oni faris antau multaj jaroj”] . Cxu via memoro estos beno au malbeno, ecx dum vi ankorau vivos? Je la servo de Dio, Bayo Afolaranmi (Pastoro). Pregxa Punkto: Pregxu, ke vi atentu pri tio, kion vi faras nuntempe, por ke via memoro estu beno, kaj ne malbeno, por vi kaj viaj posteuloj.

CXU VI REMEMORAS REVENI POR DANKI DION?

Estimataj, CXU VI REMEMORAS REVENI POR DANKI DION? "Kaj unu el ili, vidinte, ke li resanigxis, revenis, glorante Dion per lauta vocxo" (Luko 17:15). Multaj homoj nur servas Dion pro tio kion ili povas akiri de Li. Ili povas fari ion ajn eblan pregxi por Liaj benoj. Tamen, estas mafacile por ili reale adorservi Dion pro kiu Li estas. Ne miride, ili kutime ne rememoras danki Lin pro la boneco kiun Li jam faris, au faras, je iliaj vivoj. Kiaj nedankemaj homoj! Tiaj homoj estas kiel nau el dek lepruloj kiuj renkontis Jesuon Kriston survoje al Jerusalemo (Luko 17:12-19). Cxi tiuj viroj petis Jesuon Kriston por resanigi ilin el la malsano. Jesuo diris al ili iri kaj montri sin al la pastroj je la kredo ke ili estos resanigitaj antau ol ili alvenos tie Ili iris je kredo, kaj survoje, ili estis resanigitaj el ilia terura malsano! El cxi tiuj dek viroj, nur unu pensis ke estas inde reveni al Jesuo Kristo por laudi Lin pro tio kion Li jam faris. La aliaj nau viroj foriris nedankemaj. Jesuo Kristo laudis cxi tiun dankeman viron kaj konfirmis lian kredon kiu savis lin. La viro sxajne akiris spiritan resanigon ankau. Lia resanigo estis tuta! Estas multaj kialoj kial multaj homoj apenau rememoras reveni al Dio por laudi Lin pro la boneco kiun Li jam faris por ili. Kelkaj homoj ne scias ke ili devas reveni al Dio por danki Lin. Lau kelkaj, ne estas necese returni la gloron al Dio. Lau kelkaj, la boneco okazis hazarde. Malgrau cxio, Dio benas homojn kiuj ne petas gxin. Tamen, tiaj homoj senigas sin de pliaj benoj de Dio. Interese, la proporcio de homoj kiuj rememoras reveni danki Dion estas preskau unu al nau kiel tiuj dek resanigitaj viroj. Cxu vi estas kiel unu el tiuj nedankemaj viroj au la unu dankema viro? Cxu vi rememoras reveni al Dio por danki Lin pro la boneco kiun Li jam faris por vi? Cxu vi servas Lin pro tio kion vi povas akiri de Li, au adorservas Lin pro tiu kiu Li estas? Rememoru reveni por danki Dion, kaj Li benos vin plue. La Psalmisto diris, "Benu, ho mia animo, la Eternulon, Kaj mia tuta internajxo Lian sanktan nomon. Benu, ho mia animo, la Eternulon, Kaj ne forgesu cxiujn Liajn bonfarojn" (103:1-2). Je la servo de Dio, Bayo Afolaranmi (Pastoro). Pregxa Punkto: Pregxu, ke vi ne estu sendankema al Dio kaj aliaj bonfarantoj, sed ke vi cxiam memoru reveni por esprimi vian dankon.