PERMESU AL DIO TRANCXI KAJ KUDRI VIN

Estimataj, PERMESU AL DIO TRANCXI KAJ KUDRI VIN “Sed kiu eltenos la tagon de Lia veno? kaj kiu povos stari, kiam Li aperos? Cxar Li estas kiel la fajro de fandisto, kaj kiel la sapo de la fulistoj. Li sidigxos, por refandi kaj purigi argxenton, kaj Li purigos la idojn de Levi kaj refandos ilin kiel oron kaj argxenton, por ke ili alportadu al la Eternulo la donojn kun pieco” (Malahxi 3:2-3). Malgrau tio, ke mia filino estas studento, kiu studas promesplenan kurson en unu el la bonfamaj universitatoj, sxi ankorau lernas kiel kudri vestajxojn dum la ferioj. Sxi alportis pecon da sxtofo hejmen unu tagon kaj sxi komencis trancxi gxin en pecojn. Dum mi rigardis sxin trancxi la materialon, mi ricevis inspiron, ke tiel la Eternulo ankau “trancxas” Siajn kreitajxojn en pecojn por "kudri" ilin kune por fari belan "robon". Same kiel peco da sxtofo preskau senvaloras gxis gxi estas trancxita kaj kudrita por farigxi io admirinda, la homo submetigxu al la trancxado kaj kudrado de Dio tra multaj sxajne malagrablaj situacioj en la vivo por farigxi tiu, kiu Dio volas fari lin en la vivo. Profeto Malahxi donis similan bildon de Dio en sia libro, kiam li prezentis Dion kiel fandiston, kiu intence jxetis krudan oran parton en la brulantan flamon por rafini la oron por farigxi adorinda altvalora ornamajxo (vidu: Malahxi 3:2-3). Malgrau tio, ke la kunteksto de cxi tiuj bibliaj verskiloj estis tiu de jugxo, tamen gxuste tion Dio faras al Siaj kreitoj. Dio eble faros tion permesante al aliaj homoj "mistrakti" Liajn kreitajxojn, sed gxi celas glori Lian nomon (komparu: Psalmo 66:12). Ne mirinde, apostolo Paulo asertis, "Kaj ni scias, ke por tiuj, kiuj amas Dion, por tiuj, kiuj estas vokitaj laux Lia intenco, cxio kunlaboras al bono" (Romanoj 8:28). Kiel vi estas "trancxita" kaj "kudrita" je via vojagxo de la vivo? Kio sxajnas fajro, kiu "brulas" vin nuntempe? Ne timu. Gxi estas por celo! Dio uzas la sxajne malagrablan situacion por rafini vin kaj fari vin adorinda altvalora persono antau Liaj okuloj kaj en la mondo. Eltenu kaj permesu al Li fari al vi tion, kion Li volas per la sxajne malagrabla situacio. Vi farigxos rafinita kaj homoj admiros vin kaj gloros Dion pro via vivo. Je la servo de Dio, Bayo Afolaranmi (Pastoro). Pregxa Punkto: Pregxu por la graco elteni ajnan sxajne malagrablan situacion gxis Dio manifestigxos tra la situacio.