ESTU PURIGITA INTERNE KAJ EKSTERE

Estimataj, ESTU PURIGITA INTERNE KAJ EKSTERE "Kaj la Sinjoro diris al li: Vi Fariseoj purigas la eksteron de kaliko kaj plado, sed via interno estas plena de rabado kaj malvirto" (Luko 11:39). Kiel vi sentus vin, se vi alvenos al restoracio, preta mendi por tio, kion vi povas mangxi, kaj vi ekscios, ke la pladoj kaj taso, kiujn la servantoj estas uzontaj por servi la mangxon, estas nur puraj ekstere, sed malpuraj interne? Cxu vi permesus al ili uzi la duone malpurajn uzajxojn por servi vin? Bedaurinde, la Fariseoj kaj multaj fakuloj pri la legxo, dum Jesuo Kristo estis sur la tero, estis kiel tiuj trompaj uzajxoj. Post instrua engagxigxo de Jesuo Kristo, unu el la Fariseoj invitis Lin mangxi en sia domo. La Fariseo surprizigxis, ke Jesuo Kristo ne sekvis la tradiciojn ceremonie lavi siajn manojn antau la mangxo. Li esprimis sian surprizon. Tamen Jesuo Kristo komparis lin kaj aliajn religiestrojn kun vazoj puraj ekstere sed malpuraj interne. La fariseoj kaj aliaj religiestroj estis puraj ekstere en iliaj eksteraj religiaj kaj ceremoniaj agadoj, sed iliaj vivoj estis plenaj de malboneco kaj avideco kontrau siaj kunhomoj. Jesuo Kristo ne indulgis ilin. Li kondamnis ilin pro cxi tiu hipokrita vivmaniero. Li volis, ke ili vivu honestan vivon, kiu montros zorgojn pri malpli privilegiuloj kaj estos akceptebla al Dio. Estas bedaurinde, ke multaj homoj nuntempe similas al la fariseoj. Ili estas ekstere religiaj, sed interne ne spiritaj. Tiaj homoj ne povas trompi Dion per religiaj agadoj. Profeto Mihxa diris per aliaj vortoj: "Estas dirite al vi, ho homo, kio estas bona kaj kion la Eternulo postulas de vi:nur agi juste, ami bonfarojn, kaj esti modesta antaux via Dio" (6:8). Ne estu nuntempa Fariseo. Estu purigita interne kaj ekstere. Ne estu nur religia ekstere. Estu vere spirita interne agante honeste en via servo al Dio kaj la homaro. Je la servo de Dio, Bayo Afolaranmi (Pastoro). Pregxa Punkto: Pregxu, ke vi ne nur estu religia ekstere, sed ankau estu vere spirita interne en via traktado kun Dio kaj aliaj homoj cxirkau vi.