GLORU DION EN VIA KORPO

Estimataj, GLORU DION EN VIA KORPO "Au cxu vi ne scias, ke via korpo estas templo de la Sankta Spirito, kiu estas en vi kaj kiun vi havas de Dio? kaj vi ne apartenas al vi mem, cxar vi estas acxetitaj per prezo; gloru do Dion en via korpo" (1 Korintanoj 6:19-20). En 1987, la Monda Organizajxo pri Sano (WHO) kreis “World No Tobacco Day” (WNTD) (esperante: La Tago de Nenia Tabako en la Mondo) por observi cxiun jaron je la 31-a de majo cxirkau la mondo intencite apogi 24-horan periodon de abstinado de cxiuj formoj de konsumo de tabako tra la terglobo. Plue, la tago jam intencis tiri tutmondan atenton al la vasta dominado de tabaka uzo kaj al negativaj sanaj efektoj, kiu nuntempe kondukas al 5.4 milionoj da mortoj tutmonde cxiujare. Ekde 1988, la tago estis observita cxiujare kun malsamaj temoj. La temo por cxi tiu jaro estis: "Malpermesu reklamadon, promocion kaj sponsoradon de tabako". Antau nelonge, mi spektis dokumentfilmon je nacia reta televida programo pri kromefikoj de fumado de cigaredo aparte kaj uzado de tabako gxenerale por homoj. Tiuj malbonaj efikoj estis analizitaj en la dokumentfilmo, kaj kelkaj homoj, precipe tiuj kiuj havas la kutimon de fumado, estis intervjuitaj. Unu el la personoj konfesis, ke fumado ne estas bona, kaj ke li estis klopodanta haltigi la kutimon, sed li ne povas haltigi gxin, cxar li donis sin al gxi. Alia persono estis indiferenta al la kromefikoj. Al tiu, io finfine mortigos onin, do kio estas la granda interkonsento en averti homon kontrau fumado de cigaredo au uzado de tabako? Estas interese, ke kelkaj homoj ecx argumentas ke fumado de cigaredo au uzado de tabako ne estas kondamnita en la Sankta Biblio, tiel, gxi neniam estas peko fumi cigaredon au uzi tabakon! Nu, estas fakto ke la Sankta Biblio ne intence kondamnas fumadon de cigaredo au uzadon de tabako, sed instruas kiel ni prizorgas nian korpon kiu apartenas al Dio. Se fumado de cigaredo au uzado de tabako estas dangxeraj por la propra korpo, kial konscie detrui tiun korpon kiu vere apartenas al Dio? Se oni ne sxatas sin au zorgas pri tio kio okazas al onia korpo, kial oni ne gloras Dion kiu vere posedas la korpon? Gloru Dion, per via korpo! Je la servo de Dio, Bayo Afolaranmi (Pastoro). Pregxo Punkto: Pregxu por cxiuj kiuj donas sin al fumado de cigaredo au uzado de tabako ke ili konscie faru penojn por forlasi la kutimon.