CXU VENKO SEN BATALOJ?

Estimataj, CXU VENKO SEN BATALOJ? "Tion mi parolis al vi, por ke en mi vi havu pacon. En la mondo vi havos suferadon; sed kuragxu; mi venkis la mondon" (Johano 16:33). Antau nelonge dum mi veturis lau unu el la cxefaj vojoj de la urbo, kie mi logxas, mi vidis grandan afisxtabulon reklamantan pregxejan programon kun la apudskribo: VENKO SEN BATALOJ. Mi ne povis kasxi mian atenton de la apudskribon, kiam mi demandis homojn, kiuj estis kun mi en la auto, cxu povas esti venko sen ia batalo. Mi plue esploris: "Kiel oni povas havi venkon, se oni ne batalas?" Cxi tiu estas unu el la eraraj instruoj, kiuj prosperas en multaj eklezioj nuntempe. Bedaurinde multaj homoj kredas tiajn instruojn. Ordinare venko venas post batalo. La vivo estas plena de multaj luktoj kaj bataloj. Nur homoj, kiuj akceptas la realon de cxi tiu fakto kaj alvokas kuragxon alfronti la defiojn de la vivo, povas havi venkon. Pensi, ke venko venos sen batalo, estas pensi, ke infano naskigxos sen koncepto. Same pregxi por venko sen batalo estas pregxi, ke sxipo surterigxu en alia haveno sen ekveturi de haveno kaj trairi sxtormojn kaj ondojn de la akvo. La Sankta Biblio instruas, ke la homo havos multajn batalojn en la vivo. Ijobo deklaris: "Homo, naskita de virino, havas …abundon da afliktoj" (Ijobo 14:1). Jesuo Kristo konfirmis cxi tion: " Tion mi parolis al vi, por ke en mi vi havu pacon. En la mondo vi havos suferadon; sed kuragxu; mi venkis la mondon" (Johano 16:33). Estas multaj aliaj lokoj en la Sankta Biblio, kie oni diras klare, ke la vivo estas plena de suferoj, problemoj, afliktoj kaj aliaj defioj de la vivo. La Kristana vivo estas ecx vivo de fizika kaj spirita milito. Efektive, la doktrino pri sufero por kristano estas ellaborita tra la Sankta Biblio. Tamen la bona novajxo estas, ke venko estas certa por la kristano, kiu trapasas cxi tiujn suferojn kaj okupigxas pri tio en cxi tiuj bataloj de vivo cxar Jesuo Kristo venkis la mondon kaj gxiajn defiojn. Pli bone estas akcepti la realon de bataloj de la vivo kaj preparigxi por alfronti ilin ol vivi vivon de neado de cxi tiuj bataloj. Venko certas nur por homoj, kiuj brave batalas vivbatalojn helpe de Jesuo Kristo. Li ne promesis vivon sen bataloj, sed venkon super cxi tiuj bataloj. Je la servo de Dio Bayo Afolaranmi (Pastoro). Pregxa Punkto: Pregxu por la forto por alfronti la batalojn de vivo kaj venko super cxi tiuj bataloj.