NE MALTRANKVILIGXU VIA KORO

Estimataj, NE MALTRANKVILIGXU VIA KORO "Ne maltrankviligxu via koro; vi kredas al Dio, kredu ankau al mi…. Ne maltrankviligxu via koro, nek senkuragxigxu" (Johano 14: 1, 27). Estas multe da problemoj kaj malfacilajxoj nuntempe kiuj faras la mondon neeltenebla por vivado. Neniu estas imuna kontrau cxi tiuj aferoj kiuj alfrontas homaron cxiutage. Multaj perdis cxiujn esperojn kaj atendas la plej malbonon. Kelkaj jam mortigis sin pro tio. Tamen, je cxi tio, Jesuo Kristo diras, "Ne maltrankviligxu via koro." Jesuo Kristo estis kun Siaj disxciploj en la supra cxambro donante Sian adiauan parolon dum Li faris cxi tiun deklaron. Liaj disxciploj maltrankviligxis pro kelkaj eventoj kiujn Jesuo Kristo antaudiris: Li foriros (Johano 7:34; 8:21; 12:8, 35; 13:33); Li mortos (Johano 12:32-33); Unu el ili estos perfidanto (Johano 13:21); Satano agos kontrau cxiuj ili (Luko 22:31-32); ili ne povos sekvi lin kien Li iros (Johano 13:36); Petro malkonfesos Lin trifoje (Johano 13:38); kaj cxiuj ili ofendigxos pro Li (Mateo 26:31). Tamen, Jesuo Kristo konsilis ilin fidi al Li (Johano 14:1). Li reale diris ke ili devus kredi je, resti en, fidi al, kaj dependi de Li. Fido estas la granda kontrauveneno por afliktita koro. Vidante Dion super niaj problemoj niaj koroj ne maltrankviligxos. Jesuo Kristo ne nur diris al Siaj disxciploj fidi al Li kiel kontrauveneno por iliaj afliktitaj koroj, Li ankau donis al ili kialojn por Sia admono. Li asertis la realecon de cxielo kie Li estis ironta prepari lokon por la disxciploj (kiel same aliaj kredantoj), kaj reveni por preni ilin(Johano 14:2-3). La rekompenco de kristana servo en la estonto estas kuragxigo por la discxiploj kaj ecx kredantoj nuntempe persisti en afliktoj de kredo. Jesuo Kristo ne forlasos Siajn discxiplojn en la mondo. Li promesis ke la Patro sendos alian Konsolanton al ili, Iu kiu restos kun ili por eterne (Johano 14:15-17, 26). Cxi tiu estos la Sankta Spirito. Malgrau tio ke Jesuo Kristo forlasis Siajn discxiplojn, Li donos al ili Sian pacon (John 14:27). Cxi tiu paco estos malsama ol la monda paco au ia ajn paco kiun ili povas pripensi. Sed cxi tiu paco, lau Paulo, "…superas cxian intelekton, [kaj gxi] gardos viajn korojn kaj pensojn en Kristo Jesuo" (Filipanoj 4:7). Cxi tio estos por ili, kiel parto de iliaj vivoj en eterneco, sed kiel grava aspekto de iliaj vivoj surtere. La paco estas ankau por cxiuj kiuj tute fidas al Jesuo Kristo. Jesuo Kristo mallonge menciis gxin dum Li finis Sian adiauan parolon ke Li jam venkis Satanon, la princon de cxi tiu mondo (Johano 14:30). Satano ja venis al cxi tiu mondo, tamen li ne venkos la discxiplojn. Jesuo Kristo reasertis cxi tion en Johano 16:33 ke Li jam venkis la mondon. Kion vi travivas kiu maltrankviligas vian koron? Memoru la admonon de Jesuo Kristo, "Ne maltrankviligxu via koro." Li jam iris por prepari nian eternan lokon por ni. Li revenos por preni nin al Li. Venu al Dio per Li, la ununura vera Vojo. Lasu la Sanktan Spiriton fari Sian volon en via vivo. Vi spertos Lian pacon. "Cxar nia malpeza kaj momenta sufero elfaras por ni, pli kaj pli ekster mezuro, eternan pezon da gloro; dum ni rigardas ne la vidatajxojn, sed la nevidatajxojn; cxar la vidatajxoj estas tempaj, sed la nevidatajxoj estas eternaj (2 Korintanoj 4:17-18). Je la servo de Dio, Bayo Afolaranmi (Pastoro).

VIAJ SILENTAJ JAROJ

Estimataj, VIAJ SILENTAJ JAROJ "Kaj Jesuo progresis en sagxeco kaj staturo, kaj en graco cxe Dio kaj homoj" (Luko 2:52). La skribintoj de la Evangelioj ne skribis multe pri la fruaj jaroj de Jesuo Kristo surtere. Krom la rakontoj pri Lia nasko (Mateo 1:18—2:23; Luko 1:26-38; 2:1-39) kaj okazajxo kiam Li estis dekdujara (vidu: Luko 2:42-52), nenio estas sciata pri Li de la Sankta Biblio gxis Li estis cxirkau tridekjara (vidu: Luko 3:23). Kelkaj kleruloj pri la Biblio jam aludis al cxi tiuj nesciataj jaroj kiel la silentaj jaroj de Jesuo surtere. Luko uzis nur unu verson por priskribi cxi tiujn silentajn jarojn (vidu: Luko 2:52). Preskau cxiuj homoj havis siajn silentajn jarojn. Multe ne estas sciate pri la fruaj jaroj de multe da cxi tiuj homoj. La silentaj jaroj estis jaroj dum kiuj Dio preparis cxiun el cxi tiuj grandaj viroj kaj virinoj. Multe da ili ne havis la plejbonon de tempo kiel Jesuo je siaj silentaj jaroj, sed poste Dio jam preparis ilin per diversaj rimedoj sekrete, Li eljxetis ilin en iliajn publikajn asignojn. Sendube, cxiu el ni nuntempe ankau havas siajn proprajn silentajn jarojn dum neniu sciis pri ni antau nun kiam ni farigxas konataj. Efektive, multaj homoj ankorau estas ecx je siaj silentaj jaroj. Ili ne estas konataj. Dio ankorau preparas ilin por la elmontro de Sia gloro je iliaj vivoj. Tiaj homoj ankorau estas kiel raupoj en siaj kokonoj. Ili atendas la maturan tempon por malfermi la kokonojn kaj farigxi belaj papilioj. Ia ajn peno malfermi la kokonojn antautempe kauzos tre kontrauan efikon sur la kreskantajn papiliojn. Cxu vi ankorau estas je viaj silentaj jaroj? Dio preparas vin por elmontro de Sia gloro je via vivo. La preparado eble ne estas placxa nuntempe. Tamen, atendu gxis tiam kiam Dio finos Sian laboron en vi. Estu pacienca. Vi ja brilos por la gloro de Dio, kaj homoj gloros vin. Je la servo de Dio, Bayo Afolaranmi (Pastoro). Mia nova UK-a portebla telfonnumero: +447438782552

RESPONDU AL MI, JUSTA MIA DIO!

Estimataj, RESPONDU AL MI, JUSTA MIA DIO! "Kiam mi vokas, respondu al mi, justa mia Dio! En premo Vi liberigas min; Korfavoru min, kaj auskultu mian pregxon" (Psalmo 4:1). La kvara psalmo estas atribuita al Regxo David. Oni kredas ke li verkis gxin, en rilato kun la tria psalmo, kiam li estis en problemo, eble kiam li forkuris de sia filo, Absxalom. Gxi estas unu el la alvokoj por helpo de la psalmisto. Li vokis al Dio por respondi al li. Li ankau petis por korfavoro de Dio. Li esprimis sian konfidon je Dio kiu jam liberigis lin de lia aflikto je la pasinteco, kaj kredis ke Li povas ankorau fari gxin denove. Li miris kial homoj kiuj persekutis lin faris tiele. Tamen, li esprimis denove sian konfidon je Dio kiu jam elektis lin. Li admonis siajn malamikojn pripensi cxi tion kaj servi Dion je la gxusta maniero kaj fidi al Li anstatau fari malbonajxon. Malgrau sia problemo, David gxojis je Dio cxar li konstatis ke Dio jam donis al li gxojon kiu estis pli ol tiu de liaj malamikoj. Tial li havus ripozon de animo ecx je sia dormo cxar Dio estis tie por protekti lin. Kion vi trapasas nuntempe? Cxu vi estas persekutita? Alvoku al Dio! Li estas preta respondi al vi. Li jam faris gxin je la pasinteco, kaj Li povas fari gxin denove. Fidu al Li, kaj Li donos al vi ripozon de cxiuj viaj problemoj. Li promesas, "Voku Min en la tago de mizero; Mi vin liberigos, kaj vi Min gloros" (Psalmo 50:15). "Li vokos Min, kaj Mi lin auskultos; Mi estos kun li en mizero; Mi lin liberigos kaj honoratigos" (Psalm 91:15). "Voku al Mi, kaj Mi respondos al vi, kaj Mi sciigos al vi grandajn kaj gravajn aferojn, kiujn vi ne scias" (Jeremia 33:3). Je la servo de Dio, Bayo Afolaranmi (Pastoro).

DECIDU ESTI DIFERENCA

Estimataj, DECIDU ESTI DIFERENCA "Daniel metis en sian koron, ke li ne malpurigos sin per la mangxajoj de la regxo, nek per la vino, kiun cxi tiu trinkas; tial li petis la korteganestron, ke al li estu permesate ne malpurigi sin" (Daniel 1:8). La popolo juda estis kondukita al ekzilo en kaptiteco pro sia malobeeco al Dio. La templo de Dio kaj la urbo Jerusalem - la fieroj de Izraelo - estis detruitaj. La digno de la popolo estis difektita. Ili ne plu estis lando kiu estas libera de eksteraj influoj. Efektive, ili nun estis kaptitoj en fremda lando. Ili ne povis adorservi sian Dion en la maniero kiun ili preferis, kaj iliaj infanoj nun estis sklavoj kiuj servis siajn kaptintojn. Malgrau cxi tiuj malfacilajxoj, Daniel kaj liaj kolegoj decidis diferencigi sin je tiu fremda lando ne malpurigante sin per la ajxoj kiuj aspektis ordinare sed kiuj povis igi ilin for de ilia Dio. Cxi tiuj kvar judaj junuloj ne estis kiel multaj homoj hodiau kiuj estas pretaj fari ion ajn lau modo. Ili decidis esti diferencaj, kaj Dio rekompencis ilin per reputacio kaj pozicio de autoritato en tiu lando de kaptiteco. Cxu vi ankau estas preta decidi esti diferenca je cxi tiu dibocxiga mondo? La Sankta Biblio diras, "Ne sekvu la amason por malbonajxoj" (Eliroj 23:2). Decidu esti diferenca por Dio rifuzante fari ecx tiujn sxajne bonajn aferojn kiuj povas senbriligi la bildon de Dio je vi. Josxua diris al la popolo Izraela, "Sed se ne placxas al vi servi al la Eternulo, tiam elektu al vi hodiau, al kiu vi volas servi: cxu al la dioj, al kiuj servis viaj patroj, kiuj logxis transe de la Rivero, cxu al la dioj de la Amoridoj, en kies lando vi logxas; sed mi kaj mia domo servos al la Eternulo" (Josxua 24:15). Decidu esti diferenca por Dio! Je la servo de Dio, Bayo Afolaranmi (Pastoro).

"CXU CXI TIU NE ESTAS LA CXARPENTISTO?"

Estimataj, "CXU CXI TIU NE ESTAS LA CXARPENTISTO?" "kaj multaj, lin audante, miris, dirante: De kie tiu viro havas tion? kaj: Kia estas la sagxeco donita al li? kaj kiaj estas tiaj potencajxoj farataj per liaj manoj? Cxu cxi tiu ne estas la cxarpentisto? Kaj ili ofendigxis pro li" (Marko 6:2-3). Estas jam multaj opinioj pri Jesuo Kristo. Lau kelkaj homoj, Li estis granda religia estro. Kelkaj konsideras ke Li estis granda instruinto. Por kelkaj homoj, Li estis unu el la mesagxistoj kiujn Dio sendis al la mondo, precipe al specifa popolo. Aliaj rigardas Lin nur kiel Savinton. Homo kiel mi kredas je Li kiel la Savinto kaj Sinjoro de la tuta mondo. Tamen, lau Liaj surteraj samurbanoj, Li gxuste estis cxarpentisto kies historion ili sciis tre multe. Tamen, Li estis, kaj ankorau estas, pli ol cxarpentisto. Li ecx estas pli ol tio pri kiu vi povas pensi. La kialo estas ke Li estas Dio, la Kreinto de la cxieloj kaj la tero. Multaj homoj malkonsentos cxi tion, ecx nuntempe, cxar ili, kiel tiuj Judoj, estas spirite blindaj. Kiu estas via opinio pri Jesuo Kristo? Kiu estas Li? Audinte tion kion homoj diris pri kiu Li estis, Li iam demandis de Siaj disxciploj cxi tiun demandon: "Kiun vi diras, ke mi estas?" (Luko 9:20). Nur Simon Petro povis doni respondon: "La Kristo de Dio." Tio estis la naiva respondo de Petro. Li estis prava! Kio estus via respondo al tia demando? Jesuo ne nur estas la Savinto de la mondo. Li ankau estas la Sinjoro! Tio signifas ke al Li apartenas la mondo kaj cxiu kiu estas en gxi inkuzive de vi! La impliko de cxi tio estas ke ecx se vi konsiderus ion pri Li, au vi nuntempe ofendigxas pro Li kiel tiuj Judo, venos iu tago dum vi staros antau Li cxe Lia trono kie li gvidos kiel la Jugxisto. Vi ne havos ian ajn elekton ol rakonti kiel vi eluzas vian vivon surtere. La demando tiam estos: "Kion Jesuo faras pri mi?" "Cxu cxi tiu ne estas la cxarpentisto?" Jes! Jesuo Kristo estis tiu cxarpentisto de Nazaret, sed Li estas pli ol cxarpentisto. Li estas la Savinto kaj Sinjoro de la tuta universo. Cxu vi jam akceptis Lin? La Sankta Biblio diras, "[Jesuo Kristo] venis al siaj proprajxoj, kaj liaj propruloj lin ne akceptis. Sed al cxiuj, kiuj lin akceptis, li donis la rajton farigxi filoj de Dio, al la kredantoj al lia nomo, kiuj naskigxis nek el sango, nek el volo de karno, nek el volo de homo, sed el Dio" (Johano 1:11-13). Je la servo de Dio, Bayo Afolaranmi (Pastoro).

LA MANOJ DE ESAV

Estimataj, LA MANOJ DE ESAV "Kaj Jakob alproksimigxis al sia patro Isaak, kaj tiu lin palpis, kaj diris: La vocxo estas vocxo de Jakob, sed la manoj estas manoj de Esav" (Genezo 27:22). Esav kaj Jakob estis gxemelaj fratoj kiuj estis preferatoj de siaj patro kaj patrino respektive. Isaak ilia patro volis doni sian lastan benon al sia preferato kiu estis Esav la unuanaskito, sed Rebeka ilia patrino volis ke la beno estu la aparteno de sia preferato, Jakob. Tial, sxi konspiris kun Jakob por trompi Isaakon por ke Jakob akiru la benon. Parto de la konspiro estis ke Jakob uzis felojn de la kapridoj por kovri kelkajn partojn de sia korpo por ke Isaak kredu ke Jakob ja estas Esav kiu nature estis homo harkovrita. Dum la konspiro, Isaak malkovris ke la vocxo de la persono kiu venis por la beno estis tiu de Jakob, sed la feloj de la kapridoj trompis lin por pensi ke la manoj de tiu persono estas tiuj de Esav. Multaj homoj ankorau uzas la taktikon de la vocxo de Jakob kaj la manoj de Esav por trompi homojn por ke ili sukcesu je siaj klopodoj nuntempe. Estas interese malkrovi ke multaj homoj ecx penas uzi gxin je Dio por akiri Liajn benojn! Tamen, la Sankta Biblio diras, "Ne trompigxu; Dio ne estas mokata" (Galatoj 6:7). Li estas cxioscia! La Judoj, precipe la Fariseoj kaj la skribistoj, je la tempo de Jesuo Kristo sur la tero, kaj multaj homoj nuntempe, estis hipokrituloj kiuj penis uzi sian religiecon por trompi aliajn homojn kaj Dion. Tamen, Jesuo Kristo diras jene pri ili: "Bone profetis Jesaja pri vi hipokrituloj, kiel estas skribite: Cxi tiu popolo honoras Min per siaj lipoj, sed ilia koro estas malproksime de Mi. Sed vane ili Min adoras, instruante kiel doktrinojn ordonojn de homoj. Cxar, forlasinte la ordonon de Dio, vi tenas la tradicion de homoj" (Mark 7:6-8). Kiel vi ankau uzas la manojn de Esav por trompi homojn? Cxu vi ankau penas fari tion kun Dio? Cxu vi estas hipokritulo? Iu joruba proverbo lauvorte diras jene, "Sxtelisto [kaj trompanto] eble sukcesas cxiutage, sed vengxo arestas lin iutage." Alia proverbo estas jene, "Longe sxtelas sxtelisto, tamen fine li pendos." Plue, vi ne povas trompi Dion. "Cxar cxion, kion oni semas, tion ankau li rikoltos. Cxar kiu semas por sia karno, el la karno tiu rikoltos putradon; sed kiu semas por la Spirito, el la Spirito tiu rikoltos eternan vivon" (Galatoj 6:7-8). Je la servo de Dio, Bayo Afolaranmi (Pastoro).

JESUO KRISTO LA PLEJ GRANDA CXEFPASTRO

Estimataj, JESUO KRISTO LA PLEJ GRANDA CXEFPASTRO "Havante do cxefpastron grandan, trapasintan la cxielon, Jesuon, la Filon de Dio, ni tenu firme nian konfeson" (Hebreoj 4:14). Tradicie, pastro reprezentas la popolon antau la dioj. Li helpas al gxi oferi oferajxojn al la dioj. Li prizorgas la sanktejon kaj aliajn ajxojn/aferojn rilate al la adorservo de la dioj. En la historio de la popolo Izraela, la cxefpastro, kun la helpo de aliaj pastroj kaj la Levidoj, plenumis cxi tiujn rolojn. Bedaurinde, ili ne estis perfektaj, kaj ili ne povis reprezenti la popolon bone antau la Eternulo Cebaot. Tamen, la skribinto de la letero al la Hebreoj prezentis Jesuon Kriston kiel la plej grandan cxefpastron kiu superas cxiujn aliajn cxefpastrojn. Cxi tio estas unu el la temoj de la letero. Jesuo Kristo kvalifikis Sin kompatema kaj fidela Cxefpastro farigxante homo (2:11-18) kiu estas solidara kun la malforto de homoj (4:15). Jesuo Kristo ne alprenis la oficon de cxefpastro pro sin-gloro (5:5), sed Li estis alvokita de Dio al la ofico kaj ne lau la maniero de Melkicedek(5:10). Jesuo Kristo ne bezonis, kiel la idoj de Aaron, oferi oferajxojn pro Siaj pekoj, kaj poste pro la pekoj de la popolo, cxar Li havis nenian pekon (7:27-28). La aliaj cxefpastroj oferis la sangon de bestoj kiu ne povis forpreni pekon (10:1-4), sed Jesuo Kristo oferis Sian propran sangon (9:12) unufoje (9:26; 10:10, 12). Pro sia morteco, estis multaj cxefpatroj kun portempa pastreco (7:23); sed la pastreco de Jesuo Kristo estas eterna pastreco cxar Li vivas poreterne (7:25). La pastreco de la aliaj cxefpastroj estis konformita je la monda modelo de la aktuala sanktejo en la cxielo (8:5), sed Jesuo Kristo konformas Sian servon je la cxielo (4:14; 9:11), sidante je la dekstra flanko de Dio (10:12). Per Sia ununura oferajxo, Li atingis Sian celon – la sanktigon de Sia popolo. Kia granda Cxefpastro! Ne mirinde, iu ajn kiu akceptas Lin kiel sian personan Savinton kaj Sinjoron - la ununura interulo inter Dio kaj homoj (vidu: 1 Timoteo 2:5) – povas veni rekte al la cxeesto de Dio. Estis, kaj ankorau estas, multaj sin-proklamitaj interuloj inter Dio kaj homoj. Neniu el ili havas la kvalifikojn kiuj distingas Jesuon Kriston kiel la plej grandan Cxefpastron. Tial, ili ne povas savi iun kiu sekvas ilin. Kiu estas via reprezentanto antau Dio? Akceptu Jesuon Kriston hodiau kaj havu la kuragxon de renkonto kun Dio nun kaj estonte. Je la servo de Dio, Bayo Afolaranmi (Pastoro).