BENU, HO MIA ANIMO, LA ETERNULON

Estimataj, BENU, HO MIA ANIMO, LA ETERNULON "Benu, ho mia animo, la Eternulon. Ho Eternulo, mia Dio, Vi estas tre granda,De majesto kaj beleco Vi estas vestita." (Psalmo 104:1). La libro de Psalmaro estas plene da laudoj de, kaj pregxoj al Dio. Psalmoj 103 kaj 104 estas distingitaj de aliaj psalmoj pro ilia priskribo de tiu kiu Dio estas kaj tio kion Li faras por ni kiu igas Lin meriti niajn adoradon, laudadojn kaj dankadon. Ni konsideru unue tiun kiu Dio estas en Psalmo 104 antau ol ni revenos al Psalmo 103 por malkovri tion kion Li faras por ni kio igis la psalmiston diri al sia animo "kaj [sia] tuta internajxo" beni au laudi la Eternulon. Li komencis per la grandeco de Dio. La grandeco de Dio estas montrita je Lia kreitaro: Li sternas la cxielon kiel tapisxon (verso 2b); Li fondis la teron sur gxia nesxanceligxaj fundamentoj (verso 5) kaj kovras la abismon (verso 6); Li arangxas la direkton de akvo (versoj 6b-9); Li kontentigas la teron kaj la aliajn kreitojn per Sia faro (versoj 10-13); Li provizas logxejon por Siaj Kreitoj (versoj 16-18); kaj Li arangxas la sezonojn, tagojn kaj jarojn per la suno kaj luno (versoj 19-23). La psalmisto dauxrigas priskribi kiel Dio faris Sian kreitaron en sagxo, kaj cxiuj cxi tiuj kreitoj atendas de Dio por subtenado (versoj 24-29). Konsiderante cxi tiojn, la psalmisto konkludas ke la gloro de Dio estos por eterne kaj ke li respondos al la grandeco de Dio kantante al Li je la dauro de sia vivo kaj ke li trovos placxon je la medito pri gxi. La impliko de cxi tiu psalmo estas ke ni devas laudi Dion pro tiu kiu Li estas kiel Li montras gxin je Lia kreitaro. Benu, ho mia animo, la Eternulon! Je la servo de Dio, Bayo Afolaranmi (Pastoro). PS Venontsemajne, ni konsideros la alian aspekton kial nia animo devas beni la Eternulon. Gxis, Dio benu vin!

ESTAS PLI BONA ESTONTO

Estimataj, ESTAS PLI BONA ESTONTO "La Eternulo, via Dio, estas meze de vi, forta Savanto; Li gxojos pri vi gaje, Li pardonos al vi pro Sia amo, Li gxoje triumfos pri vi. La sentaugulojn el via mezo Mi forprenos, por ke vi ne plu havu malhonoron pro ili" (Cefanja 3:17-18). "Cxar Mi scias la intencojn, kiujn Mi havas koncerne vin, diras la Eternulo, intencojn al bono kaj ne al malbono, por doni al vi estontecon kaj esperon" (Jeremia 29:11). La malbonoj de la mondo precipe la sxajnaj venkoj de la teroristoj antau ne longe igis kelkajn konkludi ke cxi tiu mondo ne plu povas esti pli bona loko. Lau tiaj homoj, aferoj farigxos plue pli malbonaj. La malvirtuloj prosperos dum la virtuloj kaj la senkulpuloj dauxrigos suferi pro nenecesaj doloroj. Cxi tiu mondo eble farigxos plue pli malbona cxiutage pro sia ribelemo kontraux Dio. Dio eble permesas ke la malvirto venku virtecon portempe. Tamen, estas pli bona estonto. La popolo Juda je la tempo de profeto Cefanja estis en simila situacio. Gxiaj estroj forkondukis gxin el Dio kaj Dio permesis ke ili alfrontu nedireblajn suferojn de aliaj landoj. Tamen, Dio sendis mesagxon de espero al gxi per profeto Cefanja - estas pli bona estonto! (Cefanja 3). Cxi tiu mesagxo venis post kiam Dio deklaris jugxojn sur la landoj kiuj turmentis ilin. Kion vi trapasas persone? Cxu sxajnas kvazau la malvirtuloj venkas vin? Cxu sxajnas kvazau Dio ne batalas por vi? Estas pli bona estonto por vi! Li batalos por vi. Li forigos cxiujn tiujn afliktojn. Vidu tion kion Dio promesis al la popolo Juda, "Jen Mi faros finon en tiu tempo al cxiuj viaj premantoj, Mi helpos la lamulojn, Mi kolektos la dispelitojn, kaj Mi faros ilin gloraj kaj honorataj en cxiuj landoj, kie oni malestimis ilin. En tiu tempo Mi venigos vin, kaj en tiu tempo Mi kolektos vin; cxar Mi faros vin gloraj kaj honorataj inter cxiuj popoloj de la lando, kiam Mi revenigos viajn kaptitojn antau viaj okuloj" (Cefanja 3:19-20). Estas ja pli bona estonto! Je la servo de Dio, Bayo Afolaranmi (Pastoro).

KIO ESTAS LA PROPRAJXO DE CEZARO?

Estimataj, KIO ESTAS LA PROPRAJXO DE CEZARO? "Kaj [Jesuo] diris al ili: Tial redonu al Cezaro la proprajxon de Cezaro, kaj al Dio la proprajxon de Dio" (Luko 20:25). Ni estis en klaso de dimancxa lernejo antau nelonge kiam iu partoprenanto private rakontis al mi, ke ni povas peki foje cxar Jesuo Kristo diris, ke ni donu al Cezaro la proprajxon de Cezaro. Li plu diris, ke doni al Dio la proprajxon de Dio kiam ni atingos pregxejon por adorservi Lin. Mi tuj neis lian opinion kaj klarigis, ke Jesuo ne parolas pri peko en tiu verso, sed cxefe pri nia civitana respondeco al la registaro kaj la socio. Li malvolonte kapjesis en interkonsento. Tiu erara aludo al la proprajxo de Cezaro faris min pensi pli pri kio vere estas la proprajxo de Cezaro kaj kio estas vere la proprajxo de Dio. Se oni zorge rigardus la verson (kaj aliajn paralelajn versojn: Mateo 22:15-22; Marko 12:13-17), oni havas plian komprenon pri cxi tio. La Fariseoj kaj la Herodanoj koluziis kune kaj sendis kelkajn el siaj discxiploj al Jesuo, por kapti Lin. Ili demandis, "Cxu konvenas al ni doni tributon al Cezaro, au ne" (Luko 20:22). Se Jesuo aprobis pagi tributon al Cezaro, li ofendas la judojn, kaj tio povus senkreditigi Lian oficon inter ili. Se Li malaprobis pagi tributon al Cezaro, por la religiaj gvidantoj estus facile havi pruvon por akuzi Lin antaux la regantaj Romaj potencoj. Tamen, estante cxioscia, Li sciis iliajn petolajxojn. Do, Li petis ke ili donu al Li al Li moneron. Post kiam estis provizita la monero, Li demandis pri la bildo sur la monero. Ili informis Lin, ke la bildo estis tiu de Cezaro. Li tiel rakontis al ili doni al Cezaro la proprajxon de Cezaro, kaj al Dio, la proprajxon de Dio. La monero kaj aliaj materialoj uzataj kiel monvaloroj havas la bildojn de cxi tiu mondo kaj gxiaj gvidantoj, kaj ili apartenas al cxi tiu mondo kaj la regantoj de cxi tiu mondo. Ili devus esti redonita al la mondo. Aliaj aferoj inkludante regulojn kaj regularojn kreitajn de la mondo devus esti strikte aligxintaj al gxi se ili ne estas kontrauaj al la reguloj kaj legxoj de Dio (vidu: Agoj 4:19; 5:29). Tamen, homoj kiuj uzas la monon estas kreitaj lau la bildo de Dio kaj apartenas al Dio. Do, ili donu siajn vivojn kiuj portas la bildon de Dio al Dio. Apostolo Paulo metis gxin tiamaniere: "Mi do vin petas, fratoj, pro la kompatoj de Dio, ke vi prezentu viajn korpojn kiel vivantan oferon, sanktan, placxantan al Dio, kio estas via racia servo" (Romanoj 12:1). Se oni povas doni sian vivon plene al Dio, ne estus malfacile doni al la mondo kaj gxiaj gvidantoj, kio apartenas al ili, kaj ecx uzi tion, kio apartenas al la mondo, por glori Dion. La persono kiu donis sianvivon plene al Dio trovas malfacile malobservi la regulojn kaj legxojn de la mondo (kiam ili ne estas kontrauaj al la reguloj kaj legxoj de Dio), kaj li volonte obeas la regulojn kaj legxojn de Dio. Je la servo de Dio, Bayo Afolaranmi (Pastoro). Pregxa Punkto: Pregxu, ke vi povos doni vian vivon plene al Dio kaj kiel vi donos al la mondo kio apartenas al gxi vi povos tion fari kaj uzi gxin por Lia gloro.

SERVU DION EN GAJECO

Estimataj, SERVU DION EN GAJECO "Pro tio, ke vi ne servis al la Eternulo, via Dio, en gajeco kaj kun gxoja koro, kiam vi cxion havis abunde..." (Readnomoj 28:47). La unuaj dekkvar versoj de Readmono cxapitro 28 estas bone konataj de multaj personoj pro la promesoj de Dio, kiuj estas tie. Kontraue, malmultaj homoj volos studi la ceterajn kvindek kvar versojn en la cxapitro pro malbenoj en tiuj lastaj versoj. Tamen, tiuj versoj plenaj de malbenoj estas avertoj por cxiu kiu ne volas ke tiuj malbenoj estu lia/sxia parto. Okulfrape, la cxefa kialo por la malbenoj en tiuj versoj estas malobeo al Dio, sed estas aliaj kialoj por tiuj malbenoj kiel Moseo avertis la Izraelidojn. Unu el tiaj kialoj estas ne servi Dion en gajeco kaj kun gxojo de koro pro la abundo de Lia boneco. Se Dio povas esti bona al ni multmaniere, tiam ni devas dankestimi Lin servi al Li gxoje ecx se Li ne faras, au ne faris, kion ni volas ke Li faru por ni. La konsekvenco de ne servi al Li kun gxojo estas servuteco al niaj malamikoj. Anstatau promocio, degradado estus la parto de cxiu kiu rifuzas servi al Dio gxoje. Alivorte, cxiu kiu ne dankestimas Dion eble ne gxuos pli de la boneco de Dio, sed certe estos sub la malbeno de Dio. La popolo de la Izraelidoj, kiuj eliris el Egiptujo estas bona ekzemplo de tio. Ili murmuris kontrau Dio en multaj okazoj, kaj cxiuj el ili (krom Kaleb kaj Josuo) ne povis eniri en la Promesitan Landon (vidu: Nombroj 14:26-35). Cxi tiu jaro aliras al la fino. Meditu pri via vivo cxijare. Cxu vi dankestimi Dion? Cxu vi servas al Li kun gxojo, au vi estas plena de rankoroj kontrau Li pro tio kion Li ne faris al vi? Ne kauzu malbenojn de Dio en vi. Danku al Li kaj servu al Li kun gxojo, kaj Li montros Sin en via vivo. Je la servo de Dio, Bayo Afolaranmi (Pastoro).

NE ESTU KULPA

Estimataj, NE ESTU KULPA "Vi deziras, kaj ne havas.... Vi ne havas, cxar vi ne petas" (Jakobo 4:2). Miaj infanoj kutime akiris arojn de biskvitoj cxiumatene dum ili iras al lernejo por refresxigajxoj krom la mangxo kiun ili portas por ilia mantenmangxajxo. Mia edzino kaj mi forgesis donis al ili la biskvitojn unu tagon, kaj neniu el ili memoris rememorigi nin kiel ili kutime faras. Kiam ili revenis de la lernejo, la maljuna, mia filo, akuzis nin, siajn gepatrojn, cxar tiuj ne donis al ili biskvitojn tiun tagon. Mia respondo estis, "Cxu vi petis por tio?" Li ne povis defendi sin cxar li sciis ke li ankau estis kulpa pro forgeso pri la kutimaj aroj de biskvitoj dum li estis ironta al lernejo. Estas spirita leciono je cxi tiu okazajxo. Nia cxiela Patro havas multajn benojn kaj provizojn kiujn ni estas ricevontaj. Li jam donas al ni cxi tiujn benojn kaj Li dauxrigos doni al ni ilin. Dum Li ne estas forgesema Patro kiel ia monda patro, tamen Li volas ke ni petu de Li tion kion ni volas. Jesuo Kristo diris, "Petu, kaj estos donite al vi; sercxu, kaj vi trovos; frapu, kaj estos malfermite al vi; cxar cxiu petanto ricevas, kaj la sercxanto trovas, kaj al la frapanto estos malfermite. Plue, kiu homo el vi, kies filo de li petos panon, donos al li sxtonon; au se li petos fisxon, donos al li serpenton? Se do vi, estante malbonaj, scias doni bonajn donacojn al viaj filoj, kiom pli certe via Patro, kiu estas en la cxielo, donos bonajojn al tiuj, kiuj petas de Li?" (Mateo 7:7-11). Cxu vi bezonas ian bonajxon? Venu kuragxe al trono de graco kaj petu (Hebreoj 4:16). Johano diris, "Kaj jen estas la kuragxo, kiun ni havas antau Li: ke se ni ion petas lau lia volo, Li nin auskultas; kaj se ni scias, ke kion ajn ni petas, Li nin auskultas, ni scias, ke ni havas la petojn, kiujn ni petis de Li" (1 Johano 5:14-15). Ne estu kulpa nepetante. Audu Jesuon Kriston ree, "Gxis nun vi petis nenion en mia nomo; petu, kaj vi ricevos, por ke via gxojo estu plena" (Johano 16:24). Je la servo de Dio, Bayo Afolaranmi (Pastoro).

CXU KVANTO AU KVALITO?

Estimataj, CXU KVANTO AU KVALITO? "Kaj dum via pregxado ne vante ripetadu, kiel la nacianoj; cxar ili supozas, ke ili estos auxskultitaj pro sia multvorteco. Ne estu similaj al ili; cxar via Patro scias, kion vi bezonas, antaux ol vi petas de Li" (Mateo 6:7-8). Iu pastoro-kolego kiu vizitis mian familion frumatene je iu tago pro granda tasko renkontis nin farantaj nian familian diservon. Post la diservo, li demandis pri la kutima dauro de niaj cxiutagaj diservoj. Mi diris al li ke mi ne zorgas pri la dauro, sed la kvalito de la diservoj. Li tiam diris al mi sian sperton kun iu kiu venis al li por pregxoj. Kiam li uzis iun nombron da minutoj kun la persono, tiu persono estis surprizita ke la dauro de la pregxoj jam estis finita plej baldaue. Li tiam demandis de la persono la nombron da minutoj au horoj kiun li kredas ke malbeno metita sur alia persono estos efika. La persono kredas ke iu malbeno metita dum malpli ol unu minuto povas havi eternan sekvon sur la persono kiun oni malbenas. La pastoro kaj mi tiam pridiskutis la kvaliton kaj kvanton de tempo pasigita por pregxo por ke gxi estu efika. Kelkaj homoj opinias ke ju pli longa la pregxo, des pli efika gxi estas, au ju pli vi ripetas la saman peton je difinita tempo, des pli baldau Dio respondas al tia peto. Cxi tio jam igis homojn fari nenecesajn longajn pregxojn, diron de la sama dirajxo je iu granda kvanto da tempo, longegajn pregxajn diservojn, tra-la-nokto pregxajn maldormojn, ktp, por ke Dio rapide respondu al iliaj pregxoj. Kelkaj Kristanaj konfesioj kaj kelkaj religioj ecx adaptas rimedon de uzo de specoj de ilo por helpi sin ripeti siajn pregxojn je difinita kvanto da tempo. Plej multaj el cxi tiuj kredoj kaj kutimoj kontrauas la instruojn de la Sankta Biblio pri pregxo. Iu komentanto de la Sankta Biblio diras jene, "Kristo ne fiksas la longecon de niaj pregxoj. Li diras ke ni ne ripetu la saman dirajxon, kvazau Dio ne audis; kaj ne estas dube ke Li intencis kondamni la kutimon de longaj pregxoj. Liaj propraj petoj estis rimakinde mallongaj." Mi rimaku cxi tie ke ne temas pri persisteco dum oni petas ion de Dio gxis Li respondos al la pregxo (kiel Jesuo Kristo instruis gxin en Luko 18:1-7). La Sankta Biblio instruas ke ni pregxu cxiutempe (Luko 18:1; 21:36; Romanoj 12:12; Efesanoj 6:18; Koloseanoj 4:2). La demando tiam estas: kio plej gravas je nia pregxo? Cxu gxi estas la kvalito au la kvanto da tempo kiun ni uzas por diri gxin? Cxi tio estas demando al kiu ni devas respondi dum ni iras al la Eternulo en pregxoj. Je la servo de Dio, Bayo Afolaranmi (Pastoro).

ESTU VIVANTA OFERO

Estimataj, ESTU VIVANTA OFERO "Mi do vin petas, fratoj, pro la kompatoj de Dio, ke vi prezentu viajn korpojn kiel vivantan oferon, sanktan, placxantan al Dio, kio estas via racia servo" (Romanoj 12:1). Iujn tagojn antaue, islamanoj tra la mondo festis la feston de Eld El Kabir, tio estas ili memorfestis la dian providencon de virsxafo por Ibrahim kiam li volis oferi sian filon al Dio. Malgrau la distordo de la originala rakonto de la Sankta Biblio, la maniero en kiu cxi tiuj homoj fidele oferis bestojn, precipe virsxafojn, dum cxi jara festo estas rimarkinda. Bedaurinde, ili ereras cxar Jesuo Kristo estas la fina Ofero por la peko de la homaro (vidu: 1 Korintanoj 5:7). Neniu alia ofero au sangoversxado placxas al Dio nun, "...cxar per unu ofero [Jesuo Kristo] perfektigis gxis eterneco la sanktigatojn" (Hebreoj 10:14. Vidu ankau verson 10). Anstatau fari beston ofero au versxado de sango en ajna formo por pacigi Dion, ni devas prezenti nin kiel vivantan, NE mortintan au senvivan, oferon al Dio (Romanoj 12:1). Apostolo Paulo daurigis diri ke cxi tio estas la vera kaj sankta diservo kiu estas placxa kaj akceptebla al Dio. La impliko de cxi tio estas ke ni devas abnegacii nin de pekaj plezuroj kaj celoj, kaj uzi niajn vivojn por la gloro de Dio. Cxi tio signifas entutan cedon al Dio. Gxi estas la dedicxo de prezentado kaj cedo de korpo, animo kaj volo al Dio cxiutage. Gxi estas dedicxi nin al Dio, kvazau ni ne havis plu ajnan rajton en ni mem. Gxi estas suferi kaj toleri cxion kion Dio eble difinas, kaj propagandi Lian honoron iamaniere kion Li eble ordonas. Oni notu cxi tie ke cxi tio estas pli ol donado au oferado de bestoj au posedajxo al Dio. Gxi estas pli ol labori por Dio. Gxi estas volonta kaj konscia donado de onia tuta memo al Dio antau ol donado de ajna alia afero. La Makedoniaj eklezioj montris cxi tion kiam "...unue ili sin dedicxis al la Sinjoro, kaj al ni per la volo de Dio" (2 Korintanoj 8:5). Cxu vi pretas prezenti vin kiel vivantan oferon al Dio? Neniu kvanto de ajna alia ofero estas akceptata de Li. Li volas ke vi unue tute cedu vian vivon al Li antau ol Li povas akcepti vian posedajxon, servon au ajnan alian formon de diservo kiun vi povas doni al Li. Estu vivanta ofero al Dio! Je la servo de Dio, Bayo Afolaranmi (Pastoro). Pregxa Punkto: Pregxu ke vi povos prezenti vin mem kiel vivantan oferon al Dio.