PARDONU DION! (Parto 2)

Estimataj,
Atendite, estis kaj pozitivaj kaj negativaj reagoj al la unua parto de cxi tiu mesagxo pasintsemajne. Mi jam konfesis je tiu unua parto ke la titolo de cxi tiu mesagxo aspektas iel blasfema. Tamen, mi petu vin ke vi estu pacienca kaj sekvu cxi tiujn seriigitajn mesagxojn gxis la fina parto kaj eltrovu la konkludon de la originala autoro de la libro kiu estas adaptita kaj mian konkludon ankau.
Jen la dua parto de la adaptita mesagxo:
PARDONU DION! (Parto 2)
“Mi krias al Vi, sed Vi ne respondas al mi; Mi staras, ke Vi atentu min. Vi farigxis kruelulo por mi; Per la forto de Via mano Vi mantras al mi Vian malamon” (Ijob 30:20-21).
Du aferoj estis klarigitaj je la unua parto de cxi tiu mesagxo: unue, suferado kaj malbono estas neeviteblaj, due, oni devas pardoni Dion! Cxi tiu dua parto temas pri kial homoj koleras kun Dio.
Estas kvin kialoj kial homoj koleras kun Dio.
Kialo Unua: oni eble pensas ke la puno kiun oni havas pro onia nefaro troe superas la nefaron. Kain estis bona ekzemplo de cxi tio (vidu: Genezo 4).
Kialo Dua: oni eble pensas ke oni ne havas justan trakton au rekompencon de Dio au iu ajn homo/institucio pro oniaj bonaj faroj. La pli juna frato je la Parabolo de la Erarinta Filo (vidu: Luko 15:25-32) kaj la laborantoj je la Parabolo de la Laborantoj en la Vinberejo (vidu: Mateo 20:1-16) elmontris cxi tion.
Kialo Tria: oni eble estas kolera kun Dio se oni havus “blokitajn” celojn au neatingintajn dezirojn. Oni eble jam servis Dion per la espero ke Li faros oniajn dezirojn kaj helpos onin atingi oniajn celojn. Tamen, iu fakto de vivo estas jene: “Ni ne kutime akiras tion kion ni meritas au volas je vivo.” Cxi tio eble estas pro ne estante je la planoj kaj celoj de Dio por onia vivo, au pro negxustaj/egoismaj deziroj. Jakobo klarigis cxi tion je sia epistolo (4:3). Oni devas cxiam memori tiun deklaron de la Eternulo je Jesaja 55:8-9, “Cxar Miaj pensoj ne estas viaj pensoj, kaj viaj vojoj ne estas Miaj vojoj.... Kiom la cxielo estas pli alte ol la tero, tiom Miaj vojoj estas pli alte ol viaj vojoj, kaj Miaj pensoj ol viaj pensoj.”
Kialo Kvara: oni eble havas, precipe teruran, malsanon kaj heredajn kondicxojn kiuj estas alfrontoj de vivo. Tia “homo tiel afrontita kaj afliktita pensas tiel senhelpa kaj iam estas kolera kun Dio pro sia aflikto.” Kelkfoje, Dio ja glorigas Sin je tiaj afliktoj.
Kialo Kvina: Dio eble intence permesas al Satano kauzi malfacilajxon al homo, au Li eble permesas tion kio povas esti aludita kiel “agoj de Dio” (okazoj kiuj estas preta homa rego) okazoj kiuj igas homojn esti koleraj kun Dio. Ijob estas klasika ekzemplo cxi tie, kaj li elmontris sian koleron al Dio. Dum mi intence ne uzas iun el la realaj okazajxoj kiujn D-ro Deegbe uzis je sia libro por ilustri siajn argumentojn, mi uzu cxi tion kio okazis al iu intima virino antau kelkaj tagoj. Sxi planis sian edzan ceremonion pasintan semajnfinon, kaj la estonta edzo mortis mistere du tagojn antau la tago de la edza ceremonio. Gxi estas tiel doloriga. Kial Dio permesis tion?
Cxu vi estis, au estas je iu ajn el cxi tiuj situacioj? Kiel vi pensis, au pensas pro tia situacio? Kiel vi traktis, au traktas la situacion? Cxu la situacio igis au igas vin estis kolera kun vi mem, aliaj homoj cxe vi, au ecx Dio? Kiel vi devas trakti vian koleron en iu el cxi tiuj situacioj? Cxi tio estos la temo de la dua parto de cxi tiu adaptita mesagxo venontsemajne.
Je la servo de Dio,
Bayo Afolaranmi (Pastoro).
PS
Se vi komprenus la anglan, vi povas sendi vian reagojn rekte al P-ro D-ro Fred Deegbe (la autoro de la libro “Forgive God!”) per lia retadreso fdeegbe@gmail.com. D-ro Deegbe estas edukita konsilanto kaj ordinita pastoro de la konfesio de la ganaaj baptistoj. (Li ne komprenas Esperanton!) Dio benu vin!

PARDONU DION!

Estimataj,
Krom la aspekto de tagaj citajxoj de mia reta servo kie mi libere uzas citajxojn de aliaj homoj, unufoje je la sep-jara-agxa servo, mi adaptas la mesagxon de alia homo por miaj semajnaj mesagxoj. Antau ne longe, mi legis iun libron titolitan "Forgive God!" (esperante: "Pardonu Dion!") verkitan de Pastoro Doktoro Fred Deegbe. Mi estis tre kortusxita per la libro, kaj per la afabla permeso de la autoro, mi decidis adapti la mesagxon de la libro en seriigitaj mesagxoj. (Cxiuj tradukitaj citajxoj estas de la libro.) Jen la unua parto de la adaptita mesagxo:
PARDONU DION!
"Kaj sxi respondis al ili: Ne nomu min Naomi, nomu min Mara; cxar la Plejpotenculo faris al mi maldolcxegon; kun pleneco mi foriris, sed la Eternulo revenigis min malplena; kial do vi nomus min Naomi, konsiderante, ke la Eternulo atestis kontrau mi kaj la Plejpotenculo afliktis min?" (Rut 1:20-21).
La titolo de cxi tiu mesagxo aspektas iel blasfema. Kiel oni pardonas Dion? La norma afero estas ke oni petu por la pardono de Dio. Tamen, Dio bezonas la pardonon de multaj homoj cxar la travivoj de vivo, ecx de la travivoj de homoj en la Sankta Biblio, konfirmas ke sufero estas neevitebla. Kiam sufero okazas, oni eble kulpigas sin se oni vidus klare la ligon inter la kauzo kaj rezulto de onia ago kaj la konsekvencoj; oni eble kulpigas aliajn homojn, influojn, au la diablon; kaj oni eble kulpigas Dion pro onia sufero cxar oni kredas ke Dio estas kapabla fari cxion kaj povas haltigi ian malbonon. Se cxi tiu tria eblo okazus, tiam, oni eble estas kolera kun Dio, kaj oni devas pardoni Dion cxar "por koleri kaj ofendigxi kontrau iu, ne menciante Dion, havas spiritajn, emociajn, fizikajn kaj sociajn konsekvencojn."
La problemo de malbono kaj suferado jam igis multajn homojn malkasxe nei la ekzistecon de Dio. Tiuj kiuj ankorau kredas ke Li ekzistas malfacile kredas ke cxiupova, ama, kaj bonkora Dio permesas malbonon au suferon okazi al Siaj infanoj. Kial Li ne haltigis la malbonon? Kial Li ankorau permesas la diablon, cxefan malamikon, fari lian malbonon? Cxi tio igas multajn homojn esti koleraj kun Dio. Ili devas pardoni Dion cxar "Dio ne cxiam faras tion kion homoj volas ke Li faru nek Li faras gxin kiam ili volas ke Li faru gxin, ne menciante farante gxin kiel ili volas ke Li faru gxin."
Esti kolera, exc kun Dio, ne estas peko. Tamen, oni ne devas permesi onian koleron konduki al peko. Apostolo Paulo admonis, "Koleru kaj ne peku, la suno ne subiru sur via kolero; ankau ne donu lokon al la diablo" (Efesanoj 4:26-27). Multaj homoj estis koleraj kun Dio en la Sankta Biblio. Moseo estis kolera kun Dio kiam lia unua peto al Faraono pri la Izraelidoj misbrilis (Eliro 5:20-23). La popolo Izraela estis kolera kun Dio multfoje kvankam ili lasis sian koleron konduki ilin al peko (vidu: Nombroj 21:5). La kolero de Naomi estas klasika (Rut 1:19-21). Imagu kiel Maria kaj Marta sentis dum ili rigardis sian amatan fraton, Lazaron, suferigita de malsano gxis morto ecx post kiam ili sendis al Jesuo por veni kaj resanigi lin (Johano 11). Ambau ili preskau diris la samajn vortojn kiam Jesuo finfine venis post kiam Lazaro jam estis entombigita dum kvar tagoj (kp. Johano 11:21, 32).
Nu, ni scias la finon de cxiu el la okazoj menciitaj supre. Kiel vi ankau estas kolera kun Dio? Cxi tio estos la temo de la dua parto de cxi tiu adaptita mesagxo venontsemajne.
Je la servo de Dio,
Bayo Afolaranmi (Pastoro).
PS
Se vi komprenus la anglan, vi povas sendi vian reagojn rekte al P-ro D-ro Fred Deegbe per lia retadreso fdeegbe@gmail.com. D-ro Deegbe estas edukita konsilanto kaj ordinita pastoro de la konfesio de la ganaaj baptistoj. (Li ne komprenas Esperanton!) Dio benu vin!

"MIA PACXJO NE FORLASOS MIN!"

Estimataj,

"MIA PACXJO NE FORLASOS MIN!"

"Kaj la Eternulo, kiu mem iros antau vi, Li estos kun vi, Li ne foriros de vi kaj ne forlasos vin; ne timu, kaj ne perdu la kuragxon" (Readmono 31:8).

"...cxar [Dio] mem diris: Mi ne foriros de vi kaj ne forlasos vin" (Hebreoj 13:5).

Mia dujara filino la alian tagon diris iun deklaron kiu estas instigo por mi. Ni matenmangxis tiun dimancxmatenon preparante nin por diservo. Dum mia edzino eltrovis ke nia filino estas malrapida mangxante sian mangxajxon, sxi sxerce diris ke ni forlasos sxin hejme se sxi ne mangxus rapide. Sxi jxus diris memfide kaj emfaze, "Mia pacxjo ne forlasos min!"

Ni priridis la aferon, sed, sxia fido al mi estis pensiga afero por mi tra la tago. Cxu mi havas tian fidon al mia cxiela Patro? Cxu mi povas diri kun certo ke Li ne forlasos min ecx dum sxajnas ke cxiu kaj cxio estas kontrau mi?

La psalmisto en Psalmo 77 alfrontis malfacilan situacion kiu igis lin pensi ke Dio jam forlasis lin. Li demandis ses demandojn por aserti la cxeeston de Dio kun li (versoj 7-9). Li konkludis je sia penso, "Tio estas mia aflikto, Ke aliigxis la dekstra mano de la Plejaltulo. Mi rememoros la farojn de la Eternulo; Jes, mi rememoros Viajn antikvajn miraklojn. Mi meditos pri cxiuj Viaj faroj, Kaj pri Viaj agoj mi parolos. Ho Dio, en sankteco estas Via vojo; Kiu estas tiel granda dio, kiel nia Dio? Vi estas tiu Dio, kiu faras miraklojn; Vi montris Vian forton inter la popoloj" (Psalmo 77:10-14). La psalmisto sciis ke la Eternulo estas tie por li cxiam kaj ke li jxus devas memori la bonecon de Dio kaj fidi al Li. Ne mirinde, li diris aliloke, "Cxar la Eternulo ne forpusxos Sian popolon, Kaj Sian heredon Li ne forlasos" (Psalmo 94:14).

La Eternulo ne forlasos vin ecx kiam aliuloj forlasos vin kaj vi trapasos la plej malkvietan tempon. Jes, mi memfide diros, "Mia cxiela Pacxjo ne forlasos mi!"

Je la servo de Dio,

Bayo Afolaranmi (Pastoro).

PS

Dum ni celebras la Tagon de la Patroj, cxi tiun mesagxon mi dedicxas omage al cxiuj bonaj, amantaj, zorgantaj kaj modelaj patroj tra la mondo.

Cxi mesagxo estis unue dissendita je la 19-a de junio, 2005.

VI BALDAU REFORTIGXOS!

Estimataj,

VI BALDAU REFORTIGXOS!

"Arbo havas esperon, se gxi estas dehakita, ke gxi denove sxangxigxos, kaj gxi ne cxesos kreskigi brancxojn. Se gxia radiko maljunigxis en la tero, kaj gxia trunko mortas en polvo, tamen, eksentinte la odoron de akvo, gxi denove verdigxas, kaj kreskas plue, kvazau jxus plantita" (Ijob 14:7-9).

La Joruboj havas multajn pensigemajn dirajxojn. Antau nelonge, unu el tiaj dirajxoj venis en mian penson. Jen gxi: "Ti eni ti o be igi ni o ju, igi yo ruwe." [Lauvorte, tiu kiu faligis arbon devas esti honta cxar la arbo baldau denove verdigxos.] La supra citajxo el la Sankta Biblio konfirmas la joruban dirajxon. Tamen, venia en mian penson ke la tiel nomata arbo spertos ian periodon. Cxi tiu sxangxa periodo estas gxenerale ne placxa cxar la arbo provas adaptigxi al la nuna situacio. Tamen, siatempe, gxi reakiros siajn plenajn forton kaj belon kaj ecx produktos fruktojn.

Multaj homoj ankau jam estis "faligitaj" de aliaj homoj iamaniere. Tio eble estas per trompado, fraudo, friponado, rabado, maldungado je laborejo, neado de justajxo, kaj similaj. Sendube, la persono kiu estas "faligita" travivos ian emocian traumon. Li eble kulpigas tiun kiu "faligis" lin. Li eble kulpigas sin pro sia sufero. Li ecx eble kupigas Dion pro permeso de la malfelicxo. Tia persono eble permesas al la sufero blindigi lin de la vido de aliaj rimedoj de progreso. Tamen, tia homo ja refortigxos baldau. Je la sento de la odoro de akvo, li denove verdigxos kaj kreskos plue, kvazau jxus plantita kaj produktos fruktojn.

Cxu via "arbo estas faligita"? Kian traumon vi travivos nuntempe? Kiel vi reagas al la sufero? Cxu vi kulpigas vin au la personon kiu "faligis la arbon"? Cxu vi kulpigas Dion? Ne kulpigu iun ajn! Fokusu al Dio! Fidu al Li. Malfermu viajn okulojn por aliaj oportunoj. Via "arbo denove verdigxos" kaj produktos fruktojn! Vi baldau refortigxos. Apostolo Paulo diris al la Korintanoj, "Pro tio ni ne senkuragxigxas; sed kvankam nia ekstera homo kadukigxas, tamen nia interna homo renovigxas tagon post tago. Cxar nia malpeza kaj momenta sufero elfaras por ni, pli kaj pli ekster mezuro, eternan pezon da gloro; dum ni rigardas ne la vidatajxojn, sed la nevidatajxojn; cxar la vidatajxoj estas tempaj, sed la nevidatajxoj estas eternaj" (2 Korintanoj 4:16-18). Vi ja baldau refortigxos!

Je la servo de Dio,

Bayo Afolaranmi (Pastoro).

PRIZORGU VIAJN GEPATROJN

Estimataj,
PRIZORGU VIAJN GEPATROJN
"Jesuo, rigardante Sian patrinon, kaj la apudstarantan discxiplon, kiun Li amis, diris al Sia patrino: Virino, jen via filo! Tiam Li diris al la discxiplo: Jen via patrino!" (Johano 19: 26-27).
Dum Jesuo Kristo estis krucumita, multaj homoj venis por atesti la okazon. La virinoj kiuj jam estis kun Jesuo Kristo ekde la tempo kiam Li estis en Galileo estis tie. Ili staris cxe la kruco. Inter ili estis Lia patrino. Kiam Li vidis sxin kaj la discxiplon kiun Li amis, Li faris cxi tiun deklaron, "Virino, jen via filo! ...Jen via patrino!" La deklaro estas esprimo de prizorgo por la patrino, ecx sur la kruco. La fakto ke Jesuo aludis Sian patrinon kiel "virino" kaj ne "patrino" jam igis kelkaj el Liaj kritikantoj akuzi Lin pri malhonoro al Sia patrino. Tamen, la esprimo estis kutima je Lia epoko kaj oni neniam rigardis gxin kiel signon de malhonoro. Lia respekto por Sia patrino igis Lin transdoni sxin al unu el Siaj fiditaj discxiploj por deca zorgo. Li volis ke sxi vidu la discxiplon kiel sian filon kaj la discxiplo vidu sxin kiel sian patrinon, kaj tial li prizorgu sxin. La discxiplo komprenis Lin kaj tuj prenis sxin en sian propran domon.
La apliko de cxi tiu deklaro estas ke infanoj devas prizorgi siajn gepatrojn, ecx kiam estas malfacile por ili fari tiele. Jesuo Kristo jam antaue kondamnis la agon de malzorgo de oniaj gepatroj dum oni servas Dion (vidu: Mateo 15:4-6;Marko 7:10-13). La kvina legxo jam ordonis devigon al gepatroj kiel religian devigon (Eliro 20:12; Readmono 5:16). Por infano ne prizorgi siajn gepatrojn precipe dum ili estas maljunaj estas peko.
Jesuo Kristo prizorgis Sian patrinon je Sia mortanta tempo. Cxu vi prizorgas viajn gepatrojn? Cxu ili povas pregxi por vi kaj beni vin je siaj mortantaj tempoj pro via prizorgo?
Dum kelkaj partoj de la mondo celebras la Tagon de la Patrino cxi-semajne, faru gxin kiel devon prizorgi, ne nur vian patrinon, sed viajn ambau gepatrojn. Se ili ne plu vivus, sercxu homojn kiujn vi povas prizorgi honore al viaj mortintaj gepatroj. Felicxan Tagon de la Patrino!
Je la servo de Dio,
Bayo Afolaranmi (Pastoro).
Pregxaj Petoj:
1. Dio, helpu min por ke mi povu prizorgi miajn gepatrojn je ilia maljuneco.
2. Helpu miajn infanojn por ke ili povu prizorgi min je mia maljuneco.

KIO ESTAS VIA FOKUSO?

Estimataj,

KIO ESTAS VIA FOKUSO?

"Kaj la sepdek revenis kun gxojo, dirante: Sinjoro, ecx la demonoj submetigxas al ni per via nomo. Kaj [Jesuo Kristo] diris al ili: ...ne gxoju pri tio, ke la spiritoj submetigxis al vi; sed gxoju, ke viaj nomoj estas skribitaj en la cxielo" (Luko 10:17-20).

"Se do vi estas levitaj kun Kristo, sercxu tion, kio estas supre, kie Kristo sidas dekstre de Dio. Atentu tion, kio estas supre, ne surterajxojn" (Koloseanoj 3:1-2).

Jesuo Kristo forsendis sepdek el Siaj discxiploj "duope antau sia vizagxo en cxiun urbon kaj cxiun lokon, kien li mem estis venonta" (Luko 10:1). La misio estis granda sukceso dum la discxiploj revenis kun multaj atestoj. La discxiploj diris la atestojn al Jesuo Kristo kun granda gxojo. Sendube, ilia fokuso estis sur la sukceso. Tamen,re-asertinte la venkon de la discxiploj super la Diablo kaj liaj subuloj, Jesuo Kristo redirektis ilian fokuson al pli bona afero kaj loko: cxielo.

Multaj kristanoj nuntempe fokusas al sukcesoj en akademiaj, okupaj, edzecaj, financaj, kaj/au ecx spiritaj klopodoj. Plej precipe, multaj servistoj de Dio igas la euforion de diservaj sukcesoj superi la decidigan celonatingi cxielon kaj akiri rekompecojn en cxielo. Ili estas superigitaj kaj sxajne kontentigitaj pro siaj sukcesaj diservoj. Ne mirinde, multaj el tiaj servantoj de Dio ne prizorgas kiel ili akiras tian sukceson. Sukceso je ia ajn klopodo estas bona, sed tio devas ne esti la fokuso de iu tauga-anima kristano. La fokuso devas esti cxielo kaj la rekompecoj kiujn oni akiros tie.

Kio estas via fokuso surtere? Cxu gxi estas surtera sukceso? Kiel servanto de la evangelio, kio igas vin gxoji dum vi faras la diservon? Cxu gxi estas la sukceso kiun vi akiras je la diservo? Via fokuso estu la fakto ke vi laboras kun Dio kaj ke Li rekompencos vin laue je Lia cxiela regno. Kio estas via fokuso?

Je la servo de Dio,

Bayo Afolaranmi (Pastoro).

NE MALTRANKVILIGXU VIA KORO

Estimataj,

NE MALTRANKVILIGXU VIA KORO

"Ne maltrankviligxu via koro; vi kredas al Dio, kredu ankau al mi…. Ne maltrankviligxu via koro, nek senkuragxigxu" (Johano 14: 1, 27).

Estas multe da problemoj kaj malfacilajxoj nuntempe kiuj faras la mondon neeltenebla por vivado. Neniu estas imuna kontrau cxi tiuj aferoj kiuj alfrontas homaron cxiutage. Multaj perdis cxiujn esperojn kaj atendas la plej malbonon. Kelkaj jam mortigis sin pro tio. Tamen, je cxi tio, Jesuo Kristo diras, "Ne maltrankviligxu via koro."

Jesuo Kristo estis kun Siaj disxciploj en la supra cxambro donante Sian adiauan parolon dum Li faris cxi tiun deklaron. Liaj disxciploj maltrankviligxis pro kelkaj eventoj kiujn Jesuo Kristo antaudiris: Li foriros (Johano 7:34; 8:21; 12:8, 35; 13:33); Li mortos (Johano 12:32-33); Unu el ili estos perfidanto (Johano 13:21); Satano agos kontrau cxiuj ili (Luko 22:31-32); ili ne povos sekvi lin kien Li iros (Johano 13:36); Petro malkonfesos Lin trifoje (Johano 13:38); kaj cxiuj ili ofendigxos pro Li (Mateo 26:31). Tamen, Jesuo Kristo konsilis ilin fidi al Li (Johano 14:1). Li reale diris ke ili devus kredi je, resti en, fidi al, kaj dependi de Li. Fido estas la granda kontrauveneno por afliktita koro. Vidante Dion super niaj problemoj niaj koroj ne maltrankviligxos.

Jesuo Kristo ne nur diris al Siaj disxciploj fidi al Li kiel kontrauveneno por iliaj afliktitaj koroj, Li ankau donis al ili kialojn por Sia admono. Li asertis la realecon de cxielo kie Li estis ironta prepari lokon por la disxciploj (kiel same aliaj kredantoj), kaj reveni por preni ilin(Johano 14:2-3). La rekompenco de kristana servo en la estonto estas kuragxigo por la discxiploj kaj ecx kredantoj nuntempe persisti en afliktoj de kredo.

Jesuo Kristo ne forlasos Siajn discxiplojn en la mondo. Li promesis ke la Patro sendos alian Konsolanton al ili, Iu kiu restos kun ili por eterne (Johano 14:15-17, 26). Cxi tiu estos la Sankta Spirito.

Malgrau tio ke Jesuo Kristo forlasis Siajn discxiplojn, Li donos al ili Sian pacon (John 14:27). Cxi tiu paco estos malsama ol la monda paco au ia ajn paco kiun ili povas pripensi. Sed cxi tiu paco, lau Paulo, "…superas cxian intelekton, [kaj gxi] gardos viajn korojn kaj pensojn en Kristo Jesuo" (Filipanoj 4:7). Cxi tio estos por ili, kiel parto de iliaj vivoj en eterneco, sed kiel grava aspekto de iliaj vivoj surtere. La paco estas ankau por cxiuj kiuj tute fidas al Jesuo Kristo.

Jesuo Kristo mallonge menciis gxin dum Li finis Sian adiauan parolon ke Li jam venkis Satanon, la princon de cxi tiu mondo (Johano 14:30). Satano ja venis al cxi tiu mondo, tamen li ne venkos la discxiplojn. Jesuo Kristo reasertis cxi tion en Johano 16:33 ke Li jam venkis la mondon.

Kion vi travivas kiu maltrankviligas vian koron? Memoru la admonon de Jesuo Kristo, "Ne maltrankviligxu via koro." Li jam iris por prepari nian eternan lokon por ni. Li revenos por preni nin al Li. Venu al Dio per Li, la ununura vera Vojo. Lasu la Sanktan Spiriton fari Sian volon en via vivo. Vi spertos Lian pacon. "Cxar nia malpeza kaj momenta sufero elfaras por ni, pli kaj pli ekster mezuro, eternan pezon da gloro; dum ni rigardas ne la vidatajxojn, sed la nevidatajxojn; cxar la vidatajxoj estas tempaj, sed la nevidatajxoj estas eternaj (2 Korintanoj 4:17-18).

Je la servo de Dio,

Bayo Afolaranmi (Pastoro).

PS

Cxi tiu mesagxo estis unue dissendita je la 17-a Oktobro, 2004.