NE MALTRANKVILIGXU VIA KORO

Estimataj,

NE MALTRANKVILIGXU VIA KORO

"Ne maltrankviligxu via koro; vi kredas al Dio, kredu ankau al mi…. Ne maltrankviligxu via koro, nek senkuragxigxu" (Johano 14: 1, 27).

Estas multe da problemoj kaj malfacilajxoj nuntempe kiuj faras la mondon neeltenebla por vivado. Neniu estas imuna kontrau cxi tiuj aferoj kiuj alfrontas homaron cxiutage. Multaj perdis cxiujn esperojn kaj atendas la plej malbonon. Kelkaj jam mortigis sin pro tio. Tamen, je cxi tio, Jesuo Kristo diras, "Ne maltrankviligxu via koro."

Jesuo Kristo estis kun Siaj disxciploj en la supra cxambro donante Sian adiauan parolon dum Li faris cxi tiun deklaron. Liaj disxciploj maltrankviligxis pro kelkaj eventoj kiujn Jesuo Kristo antaudiris: Li foriros (Johano 7:34; 8:21; 12:8, 35; 13:33); Li mortos (Johano 12:32-33); Unu el ili estos perfidanto (Johano 13:21); Satano agos kontrau cxiuj ili (Luko 22:31-32); ili ne povos sekvi lin kien Li iros (Johano 13:36); Petro malkonfesos Lin trifoje (Johano 13:38); kaj cxiuj ili ofendigxos pro Li (Mateo 26:31). Tamen, Jesuo Kristo konsilis ilin fidi al Li (Johano 14:1). Li reale diris ke ili devus kredi je, resti en, fidi al, kaj dependi de Li. Fido estas la granda kontrauveneno por afliktita koro. Vidante Dion super niaj problemoj niaj koroj ne maltrankviligxos.

Jesuo Kristo ne nur diris al Siaj disxciploj fidi al Li kiel kontrauveneno por iliaj afliktitaj koroj, Li ankau donis al ili kialojn por Sia admono. Li asertis la realecon de cxielo kie Li estis ironta prepari lokon por la disxciploj (kiel same aliaj kredantoj), kaj reveni por preni ilin(Johano 14:2-3). La rekompenco de kristana servo en la estonto estas kuragxigo por la discxiploj kaj ecx kredantoj nuntempe persisti en afliktoj de kredo.

Jesuo Kristo ne forlasos Siajn discxiplojn en la mondo. Li promesis ke la Patro sendos alian Konsolanton al ili, Iu kiu restos kun ili por eterne (Johano 14:15-17, 26). Cxi tiu estos la Sankta Spirito.

Malgrau tio ke Jesuo Kristo forlasis Siajn discxiplojn, Li donos al ili Sian pacon (John 14:27). Cxi tiu paco estos malsama ol la monda paco au ia ajn paco kiun ili povas pripensi. Sed cxi tiu paco, lau Paulo, "…superas cxian intelekton, [kaj gxi] gardos viajn korojn kaj pensojn en Kristo Jesuo" (Filipanoj 4:7). Cxi tio estos por ili, kiel parto de iliaj vivoj en eterneco, sed kiel grava aspekto de iliaj vivoj surtere. La paco estas ankau por cxiuj kiuj tute fidas al Jesuo Kristo.

Jesuo Kristo mallonge menciis gxin dum Li finis Sian adiauan parolon ke Li jam venkis Satanon, la princon de cxi tiu mondo (Johano 14:30). Satano ja venis al cxi tiu mondo, tamen li ne venkos la discxiplojn. Jesuo Kristo reasertis cxi tion en Johano 16:33 ke Li jam venkis la mondon.

Kion vi travivas kiu maltrankviligas vian koron? Memoru la admonon de Jesuo Kristo, "Ne maltrankviligxu via koro." Li jam iris por prepari nian eternan lokon por ni. Li revenos por preni nin al Li. Venu al Dio per Li, la ununura vera Vojo. Lasu la Sanktan Spiriton fari Sian volon en via vivo. Vi spertos Lian pacon. "Cxar nia malpeza kaj momenta sufero elfaras por ni, pli kaj pli ekster mezuro, eternan pezon da gloro; dum ni rigardas ne la vidatajxojn, sed la nevidatajxojn; cxar la vidatajxoj estas tempaj, sed la nevidatajxoj estas eternaj (2 Korintanoj 4:17-18).

Je la servo de Dio,

Bayo Afolaranmi (Pastoro).

PS

Cxi tiu mesagxo estis unue dissendita je la 17-a Oktobro, 2004.

PRO KIO VI ESTOS REMEMORIGITA?

Estimataj,

PRO KIO VI ESTOS REMEMORIGITA?

"La memoro de piulo estas benata; Sed la nomo de malpiuloj forputros" (Sentencoj 10:7).

"Cxar neniam li falos; Virtulo estos memorata eterne" (Psalmo 112:6).

Dum mi farigxas plia aktiva je la Facebook (iu popular reta socia interliga servo), mi skanis kelkajn el miaj memoreblaj fotoj kaj metis ilin sur mia Facebook. Unu el la fotoj estas tiu de mia mortinta mentoro, frato, amiko, kaj pastoro - mortinta pastoro Goke Adeleke - kiu mortis antau kvin jaroj je auta akcidento je la cxefa agxo de 37 jaroj. El la fotoj kiujn mi metis sur mia Facebook je unu tago, la foto de cxi tiu estimata viro de Dio ricevis la plej multon da atento kaj komentoj de miaj retaj Facebook-aj amikoj kaj aliaj homoj kiuj povis vidis gxin. Estis pli ol kvardek komentoj en la dauro de dudek kvar horoj pri la virtoj de cxi tiu homo. Mi ne povis konservi cxi tion al mi kaj mi montris ilin al alia pastoro cxe mia oficejo. Post pensado dum kelkaj minutoj, la pastoro faris penseman rimarkon. Li diris, "Se iu el ni mortus hodiau, pro kio ni estos rememorigita? Kion homo diros pri ni?" Interese, aliaj unu au du komentantoj sur la Facebook poste donis similajn komentojn pri cxi tiu neforgesebla viro de Dio.

Nuntempe, multaj homoj ankorau vivas, sed homoj jam forgesis pri ili cxar ili ne havas ian bonan virton rememoreblan. Rememoro de multaj homoj estas pri la malbono kiun ili faris, kaj ankorau faras. Tamen, multaj homoj estas "cxiamverda kreskajxo" je la memoro de homoj pro iliaj virtoj. Iu Joruba dirajxo estas jene, "Arise ni arika, arika ni baba iregun. Ohun ti a ba se ni oni, oro itan ni bi o di ola." (Litere, homoj rememoras pri vi tion kion vi faris au faras.)

Pro kio vi estos rememorigita ecx antau ol vi mortos? Se homoj havus la oportunon honeste komenti pri vi, kion vi diros pri vi? Cxu ili diros bonajxojn pri vi? Ja, benata estas la memoro de piulo, kaj oni nemiam forgesos ilin. Pro kio vi estos rememorigita de homoj kiuj konas vin hodiau?

Je la servo de Dio,

Bayo Afolaranmi (Pastoro).

PS

Cxi tiu mesagxo estas dedicxita al la neforgesebla mortinta pastoro Josiah Adegoke Adeleke (la 3-an de Februaro, 1967-la 11-an de Januaro, 2005). Se vi komprenus la anglan, vi povas legi la komentojn pri li sur Facebook cxe http://www.facebook.com/photo.php?pid=3683041&l=373c908e9a&id=504257534 kaj eble aligxi al liaj estimantoj sur Facebook cxe http://www.facebook.com/pages/Late-Reverend-Goke-Adeleke/113953761949906?v=wall. Dio benu vin!

VIAJ MALAMIKOJ NE MORTOS (Repliko)

Estimataj,

VIAJ MALAMIKOJ NE MORTOS (Repliko)

"Kiam falas via malamiko, ne gxoju, kaj cxe lia malfeliĉo via koro ne plezurigxu" (Sentencoj 24:17).

"Vi audis, ke estas dirite: Amu vian proksimulon, kaj malamu viajn malamikojn; sed mi diras al vi: Amu viajn malamikojn, kaj pregxu por viaj persekutantoj; por ke vi estu filoj de via Patro, kiu estas en la cxielo; cxar Li levas Sian sunon sur la malbonulojn kaj bonulojn, kaj sendas pluvon sur la justulojn kaj la maljustulojn" (Mateo 5:43-45).

Mi malofte skribas replikon pri miaj antauaj mesagxoj au sciigas la reagojn de homoj al tiaj mesagxoj kaj miaj respondoj al aliaj homoj. Tamen, mi skribu replikon pri iu mesagxo kiun mi dissendis antau nelonge bazita je kelkaj el la reagoj de homoj al gxi. La mesagxo temas pri nepregxo kontrau onia malamikoj au deziro al ili de malfelicxo. Jen du el la reagoj kiujn mi ricevis kaj miaj respondoj:

Reago Unua: "Je spirita milito, la pregxoj estas multfoje direktitaj al la spiritoj kiuj regas la malamikojn. Tio kion ni ne vidas estas pli ol tio kion ni vidas. La fakto ke kelkaj eklezioj pregxadas kelkajn strangajn pregxojn kiel "falu kaj mortu" ne signifas ke tiaj pregxoj estas celitaj al homoj sed la malvirtaj spiritoj kiuj subtenas la agojn de la malamiko."

Mia Respondo: "Estas interese noti ke spiritoj au demonoj ne mortas! Pregxi por ilia morto estas malsxparo de onia alte valora tempo. Anstatau fokusi sur la malamiko au la spirito kiu subtenas lin, estas pli bone fokusi sur Dio kaj tio kion Li faros por ni, ne la malamiko au lia malbona spirito. Dio scias kiel Li traktos la malamikon kaj la spiriton kiu regas lin."

Reago Dua: "La malamiko devas morti. Sorcxistinon ni ne lasos vivi."

Mia Respondo: "Tio montras ke vi ne estas Kristo-animo-hava! Vi ankorau vivas je la tempo de la Malnova Testamento. Tio estas aludo al la Legxo de Moseo (vidu: Eliro 22:17; Levidoj 20:27). Jesuo Kristo instruis je multaj lokoj ke ni devas pregxi POR kaj beni niajn malamikojn (vidu: Mateo 43-48; Luko 6:27-35). Li elmontris cxi tion sur la kruco (vidu: Luko 23:34; 1 Petro 2:23). Stefano sekvis la ekzemplon (Agoj 7:60) Paulo kaj Petro ankau instruis ke ni ne devas malbeni niajn malamikojn (vidu: Romanoj 12:14-21; 1 Petro 3:9). Kie tiam, se ne en la Malnova Testamento, vi havas vian instruon de malbenado de malamikoj?"

Efektive estas kelkaj asertitaj malamikoj kiujn oni eble konas kiuj ja laboras kontrau onian bonon. Multaj okazoj okazas, precipe je cxi tiu parto de la mondo. Iu ecx diris al mi tion kio lia patro faracxis al li. Tamen, cxu ni bazas nian kredon sur cirkonstanco au la vorto de Dio? La Sankta Biblio diras, "Pregxu POR kaj benu viajn malamikojn," sed cirkonstancoj kaj homa naturo diras, "Malbenu kaj ecx mortigu viajn malamikojn, se eble." Ne gravas la cirkonstanco, mi sekvos la vorton de Dio kaj lasos cxion al Dio. Li faru tion kion Li volas. Se Li permesus al la malamikoj sukcesi, gxi estas por Lia pli bona celo por mi. Mi atendos la pli bonan planon de Dio per la faroj de malamikoj ol fari mian bonan planon forigante la malamikon miarimede. Miaj malamikoj ne mortos!

Je la servo de Dio,

Bayo Afolaranmi (Pastoro).

PS

Sendu viajn reagojn rekte al mi cxe spiritualdigest@yahoo.com. Dio benu vin!

VIAJ MALAMIKOJ NE MORTOS

Estimataj,

VIAJ MALAMIKOJ NE MORTOS

"Kiam la regxo David venis gxis Bahxurim, ...Sximei, filo de Gera; elirante, li sencxese insultadis. Li jxetis sxtonojn sur Davidon kaj sur cxiujn servantojn de la regxo David" (2 Samuel 16:5-6).

"...tiam Sximei, filo de Gera, falis antau la regxo..." (2 Samuel 19:19b).

Estas fifama tendenco inter kelkaj kristanoj kaj kristanaj konfesioj: malbenante oniajn sxajnajn malamikojn kaj dezirante ke ili mortu. Tamen, cxi tiu tendenco estas kontraubiblia kaj gxi igas homojn vengxi anstatau lasi vengxon al Dio kiu jam promesis fari tiele laue (vidu: Romanoj 12:17-21; Levidoj 19:8; Hebreoj 10:30; Mateo 5:43-48; Luko 6:32-36). Krome, multaj ekzemploj el la Sankta Biblio kaj historio jam montris ke estas plibone por la malamikoj esti vivaj kaj ne nur vidi la plibonon de siaj malamatoj, sed ecx veni kaj gxui parton de la plibono je la kompato de tiuj malamatoj.

Sximei, filo de Gera el la tribo de Benjamin estis subtenanto de la regno de Saulo dum la regno de David kiel la regxo de Izrael. Estis okazo por li publike insultadi Davidon dum Absalom, unu el la filoj de David pruvis renversi lin. Dum David kaj homoj kiuj estis lojalaj al li forkuris, Sximei venis kaj malbenis Davidon kaj kulpigis lin pro la falo de Saulo. Li ecx "jxetis sxtonojn sur Davidon kaj sur [liajn] servantojn." Abisxai, unu el la soldatoj de David volis iri kaj mortigi Sximei-n, sed David ne permesis al li. David anstataue permesis al Dio pravigi lin. Sximei faris sian plej malbonon tiutage. Li eble poste aligxis al la soldataro de Absalom kiu militis kontrau la soldataro de David. Kvankam estis multaj viktimoj je la kampo de Absalom antau la morto de Absalom kaj venko de la homoj de David, Sximei estis viva atesti la revenon de David al la trono. Li poste venis por pardonpeti al David, kaj lia daura vivado estas je la kompato de David.

La historio de Josef kaj liaj fratoj estas klasika. Se la fratoj kiuj estis evidentaj malamikoj de Josef jam estus mortintaj antau lia plialtigo en Egiptujo, kaj se ilia daura vivado ne estus je la kompato de Josef, la historio ne suficxe estus instruema.

Vi ne devas pregxi por la morto au malfelicxo de viaj malamikoj. Antataue, pregxu ke Dio levu vin supre viaj malamikoj. Viaj malamikoj ne mortos! Ili vivos por vidi la bonon de Dio en via vivo, kaj ili venos por pardonpeti al vi pro ilia malamo. La Eternulo ja gloros Sin je via vivo je la nomo de Jesuo. Amen.

Je la servo de Dio,

Bayo Afolaranmi (Pastoro)

NE EKZISTAS MALBENO, SED...

Estimataj,

NE EKZISTAS MALBENO, SED...

“Li ne vidis pekon cxe Jakob, Kaj Li ne rimarkis malpiecon cxe Izrael; La Eternulo, lia Dio, estas kun li, Kaj regxa aklamado estas cxe li. Dio, kiu elkondukis ilin el Egiptujo, Estas por ili kiel la forto de bubalo. Cxar ne ekzistas sorcxado en Jakob, Nek augurado en Izrael” (Nombroj 23:21-23).

“Kaj Izrael logxis en Sxitim, kaj la popolo komencis malcxastadi kun la filinoj de Moab. Kaj ili invitadis la popolon al la oferoj de siaj dioj, kaj la popolo mangxadis kaj klinigxadis antau iliaj dioj. Kaj Izrael aligxis al Baal-Peor; kaj ekflamis la kolero de la Eternulo kontrau Izrael” (Nombroj 25:1-3).

Dum la Izraelidoj estis enirontaj la Promesitan Landon post kvar dek jaroj de vagado en la deserto je sia eliro el la lando de sklaveco, Balak, la regxo de Moab dungis Bileamon, iun diveniston, por veni kaj malbeni la Izraelidojn por ke li, Balak, povu militi kontrau la Izraelidoj kaj venki ilin. Tamen, Bileam sciis ke la Izraelidoj estis benita popolo de Dio kaj ke ili ne povis esti malbenitaj. Li hezite venis por fari la malbonan asignon, kvankam kondicxe ke li estu permesita de Dio malbeni la Izraelidojn. Estis evidente el liaj kvar orakoloj ke la popolo Izraela ne povis esti malbenita. Efektive, li benis je cxiu okazo ke Balak volis ke li malbenu ilin je la malplezuro de Balak. Li emfaze diris je unu de siaj orakoloj ke ekzistas nenia malbeno kontrau la Izraelidoj cxar ilia Dio estis kun ili. Tamen, li sciis alian rimedon kiun la Eternulo povis turni kontrau Sia benita popolo: peko! Li instruis al Balak por igi la Moabajn virinojn logi la Izraelidojn en malcxastecon kaj idolecon (vidu: Nombroj 25:1-3; 31:16; Apokalipso 2:4). Cxi tio igis Dio esti kolera kun Sia popolo, kaj 24,000 homoj mortis inter la Izraelidoj je unu tago. Tio kion malbeno ne povis fari, peko facile faris!

Ne ekzistas malbeno, sorcxado, augurado, au ia ajn malbono planita au alvokita kontrau iu vera infano de Dio kiu plenumos (vidu: Jesaja 54:17). Tamen, malgrau la fakto ke peko ne kauzas cxiun katastrofon, gxi povas kauzi ruinigan detruegon al iu ajn pekanta infano de Dio. Satano scias ke Dio konstruas fortigitan bordon cxirkau Siaj amatoj, sed li ankau scias ke li povas kauzi sian detruego al iu ajn ribela kristano.

Cxu vi ribelas je via rilato kun Dio? Vi donas al la diablo la oportunon laboracxi je via vivo. Prizorgu ke VI ne malstrecxu la fortigitan bordon kiun Dio jam konstruis cxirkau vi. Ne ekzistas malbeno, sed....

Je la servo de Dio,

Bayo Afolaranmi (Pastoro).

“AUSKULTU LIN”

Estimataj,

“AUSKULTU LIN”

“Kaj Petro responde diris al Jesuo: Sinjoro, estas bone por ni esti cxi tie. Se vi volas, mi faros cxi tie tri laubojn: unu por vi, kaj unu por Moseo, kaj unu por Elija. Dum li ankorau parolis, jen luma nubo superombris ilin; kaj jen vocxo el la nubo, dirante: Cxi tiu estas Mia Filo, la amata, en kiu Mi havas plezuron; auskultu lin” (Mateo 17:4-5).

Multaj homoj nuntempe gxuas esti je la cxeesto de Dio (en pregxejoj, montoj de pregxo, kampoj, religiaj kunvenoj kaj seminarioj, kaj similaj) servant servante Lin kaj plej aparte pregxante (kaj eble fastante) al Li pro io. Tamen, multe da cxi tiuj homoj ne estas pretaj auskulti au obei Jesuon Kriston je la cxeesto de Dio kaj je siaj cxiutagaj agadoj.

Cxi tio estis la eraro pri kiu Dio korektis Petron kaj la aliajn du disxciplojn kiam Jesuo Kristo estis transfigurita je ilia cxeesto sur iu monto. Ili estis tiel subigitaj per la travivo ke Petro sugestis ke ili restu tie. Tamen, Dio recertigis Sian deklaron ke Jesuo estas Sia amata Filo en kiu Li havas plezuron, kaj ke ili auskultu Lin. Por auskulti Jesuon temas pri tuta obeo al Liaj ordonoj kaj voloj por onia vivo je oniaj cxiutagaj agadoj. Ne mirinde, Li kondukis la disxciplojn al tie kie ili povis reale auskulti Lin.

Estas bone esti je la cxeesto de Dio kaj adorservi Lin. Estas bone servi Lin ie kie ni povas. Tamen, estas pli bone auskulti Lin kaj obei Lin je niaj cxiutagaj agadoj. Irante al au cxeestante en pregxejoj, montoj de pregxo, kampoj, religiaj kunvenoj kaj seminarioj, kaj similaj por adorservi Dion ne auskultante Lin kaj ne obeante Liajn ordonojn estas kiel malsxpari onian alte valoran tempon. Samuel malkasxeme diris al Saulo: Cxu bruloferoj kaj bucxoferoj estas tiel agrablaj al la Eternulo, kiel la obeado al la vocxo de la Eternulo? vidu, obeado estas pli bona ol bucxofero, atentado estas pli bona ol la sebo de sxafoj (1 Samuel 15:22). Jesuo Kristo ankau diris, “Se vi min amas, vi observos miajn ordonojn” (Johano 14:15). Rimarku ke Li ne diris, “Vi servos min,” kvankam servante Lin ankau estas bone, sed auskultante Lin kaj obeante Liajn ordonojn estas pli supere.

Je la servo de Dio,

Bayo Afolaranmi (Pastoro).

CXU CXIO ESTAS KONTRAU VI?

Estimataj,

CXU CXIO ESTAS KONTRAU VI?

"Kaj ilia patro Jakob diris al ili: Vi min seninfanigis; Jozef forestas, kaj Simeon forestas, kaj Benjamenon vi volas forpreni! Sur min cxio falis!" (Genezo 42:36).

Jakob perdis sian plej karan edzinon, Rahxelon, dum sxi naskis sian duan filon, Bemjamenon (vidu: Genezo 35:16-19; 48:7). La aliaj duonfratoj de sxia unua filo, Jozef, kiu estis tiel kara al Jakob, vendis lin en sklavecon kaj trompis sian patron ke sovagxa besto mortigis lin (t.e. Jozefon). Ili ecx venis kun konvinkinda pruvo de sangoplena vesto de Jozef (vidu: Genezo 37:31-35). Sendube, Jakob ankorau funebris la "morton" de sia filo dum alia tragedio frapis - Simeon estis maliberigita en Egiptujo pro nenia kazo. Por plimalbonigi lian malgxojon, la aliaj filoj volis preni Benjamenon, la ununuran fonton de gxojo por Jakob, dum ili estis re-irontaj al Egiptujo, alie, ili cxiuj mortus de malsato pro malsatego. Jakob eldiris dolorege: Sur min cxio falis!

Oni ja konsentus kun Jakob ke cxio estis kontrau li. Tamen, cxu cxio reale estis kontrau li? Nepre ne! Dio estis laboranta senvideble por fari ke cxio laboru por li. Jozef konfirmis cxi tion dum siaj fratoj venis por peti lin pro la malbono kiun ili jam faris al li. Audu lin: "Vi intencis fari al mi malbonon; sed Dio arangxis de tio bonon, por fari tiel, kiel nun estas, por konservi la vivon de multe da homoj" (Genezo 50:20). Efektive, Jakob konstatis poste pri la laboro de Dio en cxiuj cxi tiuj eventoj. Li aludis al cxi tio en sia diskuto kun Jozef (vidu Genezo 48).

Kio okazis al vi antaue, kaj kio okazas al vi nuntempe kiuj sxajnigas kzavau cxio estas kontrau vi? Cxu vi permesis tiujn eventojn deprimi vin? Cxu vi perdis cxiun esperon pro cxiuj cxi tiuj eventoj? Paulo diris: "Kaj ni scias, ke por tiuj, kiuj amas Dion, por tiuj, kiuj estas vokitaj lau Lia intenco, cxio kunlaboras al bono" (Romanoj 8:28).

Dio estas cxe laboro en cxio kio okazas al vi. Cxio ja estas ja laboras por vi!

Je la servo de Dio,

Bayo Afolaranmi (Pastoro).

PS

Cxi tiu mesagxo estas unue sendita je la 20-a de februaro, 2005.