“AUSKULTU LIN”

Estimataj,

“AUSKULTU LIN”

“Kaj Petro responde diris al Jesuo: Sinjoro, estas bone por ni esti cxi tie. Se vi volas, mi faros cxi tie tri laubojn: unu por vi, kaj unu por Moseo, kaj unu por Elija. Dum li ankorau parolis, jen luma nubo superombris ilin; kaj jen vocxo el la nubo, dirante: Cxi tiu estas Mia Filo, la amata, en kiu Mi havas plezuron; auskultu lin” (Mateo 17:4-5).

Multaj homoj nuntempe gxuas esti je la cxeesto de Dio (en pregxejoj, montoj de pregxo, kampoj, religiaj kunvenoj kaj seminarioj, kaj similaj) servant servante Lin kaj plej aparte pregxante (kaj eble fastante) al Li pro io. Tamen, multe da cxi tiuj homoj ne estas pretaj auskulti au obei Jesuon Kriston je la cxeesto de Dio kaj je siaj cxiutagaj agadoj.

Cxi tio estis la eraro pri kiu Dio korektis Petron kaj la aliajn du disxciplojn kiam Jesuo Kristo estis transfigurita je ilia cxeesto sur iu monto. Ili estis tiel subigitaj per la travivo ke Petro sugestis ke ili restu tie. Tamen, Dio recertigis Sian deklaron ke Jesuo estas Sia amata Filo en kiu Li havas plezuron, kaj ke ili auskultu Lin. Por auskulti Jesuon temas pri tuta obeo al Liaj ordonoj kaj voloj por onia vivo je oniaj cxiutagaj agadoj. Ne mirinde, Li kondukis la disxciplojn al tie kie ili povis reale auskulti Lin.

Estas bone esti je la cxeesto de Dio kaj adorservi Lin. Estas bone servi Lin ie kie ni povas. Tamen, estas pli bone auskulti Lin kaj obei Lin je niaj cxiutagaj agadoj. Irante al au cxeestante en pregxejoj, montoj de pregxo, kampoj, religiaj kunvenoj kaj seminarioj, kaj similaj por adorservi Dion ne auskultante Lin kaj ne obeante Liajn ordonojn estas kiel malsxpari onian alte valoran tempon. Samuel malkasxeme diris al Saulo: Cxu bruloferoj kaj bucxoferoj estas tiel agrablaj al la Eternulo, kiel la obeado al la vocxo de la Eternulo? vidu, obeado estas pli bona ol bucxofero, atentado estas pli bona ol la sebo de sxafoj (1 Samuel 15:22). Jesuo Kristo ankau diris, “Se vi min amas, vi observos miajn ordonojn” (Johano 14:15). Rimarku ke Li ne diris, “Vi servos min,” kvankam servante Lin ankau estas bone, sed auskultante Lin kaj obeante Liajn ordonojn estas pli supere.

Je la servo de Dio,

Bayo Afolaranmi (Pastoro).

CXU CXIO ESTAS KONTRAU VI?

Estimataj,

CXU CXIO ESTAS KONTRAU VI?

"Kaj ilia patro Jakob diris al ili: Vi min seninfanigis; Jozef forestas, kaj Simeon forestas, kaj Benjamenon vi volas forpreni! Sur min cxio falis!" (Genezo 42:36).

Jakob perdis sian plej karan edzinon, Rahxelon, dum sxi naskis sian duan filon, Bemjamenon (vidu: Genezo 35:16-19; 48:7). La aliaj duonfratoj de sxia unua filo, Jozef, kiu estis tiel kara al Jakob, vendis lin en sklavecon kaj trompis sian patron ke sovagxa besto mortigis lin (t.e. Jozefon). Ili ecx venis kun konvinkinda pruvo de sangoplena vesto de Jozef (vidu: Genezo 37:31-35). Sendube, Jakob ankorau funebris la "morton" de sia filo dum alia tragedio frapis - Simeon estis maliberigita en Egiptujo pro nenia kazo. Por plimalbonigi lian malgxojon, la aliaj filoj volis preni Benjamenon, la ununuran fonton de gxojo por Jakob, dum ili estis re-irontaj al Egiptujo, alie, ili cxiuj mortus de malsato pro malsatego. Jakob eldiris dolorege: Sur min cxio falis!

Oni ja konsentus kun Jakob ke cxio estis kontrau li. Tamen, cxu cxio reale estis kontrau li? Nepre ne! Dio estis laboranta senvideble por fari ke cxio laboru por li. Jozef konfirmis cxi tion dum siaj fratoj venis por peti lin pro la malbono kiun ili jam faris al li. Audu lin: "Vi intencis fari al mi malbonon; sed Dio arangxis de tio bonon, por fari tiel, kiel nun estas, por konservi la vivon de multe da homoj" (Genezo 50:20). Efektive, Jakob konstatis poste pri la laboro de Dio en cxiuj cxi tiuj eventoj. Li aludis al cxi tio en sia diskuto kun Jozef (vidu Genezo 48).

Kio okazis al vi antaue, kaj kio okazas al vi nuntempe kiuj sxajnigas kzavau cxio estas kontrau vi? Cxu vi permesis tiujn eventojn deprimi vin? Cxu vi perdis cxiun esperon pro cxiuj cxi tiuj eventoj? Paulo diris: "Kaj ni scias, ke por tiuj, kiuj amas Dion, por tiuj, kiuj estas vokitaj lau Lia intenco, cxio kunlaboras al bono" (Romanoj 8:28).

Dio estas cxe laboro en cxio kio okazas al vi. Cxio ja estas ja laboras por vi!

Je la servo de Dio,

Bayo Afolaranmi (Pastoro).

PS

Cxi tiu mesagxo estas unue sendita je la 20-a de februaro, 2005.

"KIU ESTAS BOLU?"

Estimataj,

"KIU ESTAS BOLU?"

"Filo respektas patron, kaj sklavo sian sinjoron; sed se Mi estas patro, kie estas la respekto al Mi? kaj se Mi estas sinjoro, kie estas la timo antau Mi? diras la Eternulo Cebaot al vi" (Malahxi 1:6).

Ekde antau nelonge, iu dramo kutime okazas je mia hejmo. Pro la estima respekto kiu estas je la joruba kulturo, mia dek-jar-agxa filo, Boluwatife, volas ke sia pli juna fratino kaj aliaj du pli junaj kuzoj logxante cxe ni respektu lin alvokante lin "Frato Bolu." Tio estas la normo je familio kiu ankorau alte valorigas la joruban kulturon. Kiam ajn iu el la fratino kaj la kuzoj alvokas lin "Bolu" sen la respekta titolo "frato," li kolere demandas, "Kiu estas Bolu?" La pli junul(in)o rapide (au ecx kelkfoje malvolonte) korektas sin.

Simila scenario okazis je la historio de la popolo Izraela. Post kiam la popolo revenis de la Ekzilo, ili perdis siajn amon kaj respekton por Dio. La Eternulo per Profeto Malahxi tial kulpigis la popolon, precipe la pastrojn ke ili ne donas al Li la respekton. La vorto "respekto" cxi tie ankau povas signifi "respektoplena timo." Ja lau la Legxo de Moseo, precipe la Dek Ordono, malrespekti oniajn gepatrojn estas granda peko (vidu: Eliro 20:12; Readmono 5:16; 21:18-21). Malrespekti Dion, ilian cxielan Patron tial estus pli granda peko.

Multaj homoj nuntempe ankau jam perdis sian respekton por Dio. Ili ne honoras Lin kiel Dion. Kelkaj ecx diras ke Dio ne ekzistas! Interese, cxi tiuj homoj daurigas gxui la bonecon de Dio. Cxu tiaj homoj atendas la tempon kiam Li montros Tiun kiu Li reale estas al ili antau ol ili rekonos Lin kaj donos al Li la respekton?

Kio estas via rilato kun Dio? Cxu vi reale donas al Li la respekton taugan por Li? Cxu vi ne estas tro intima kun Li ke Li jam perdis vian respekton? Via rilato al Dio, kiel via Patro kaj Sinjoro (se vi reale kredas tion), forte farigas vin timi kaj honori Lin. Unu el tiaj rimedoj fari cxi tion estas obei Lin kaj fari Liajn volojn (vidu: Luko 6:46; Johano 13:13-17; 15:14). Cxu vi faras cxi tion?

Je la servo,

Bayo Afolaranmi (Pastoro).

DILIGENTO, JEN GXI!

Estimataj,

DILIGENTO, JEN GXI!

"Kaj Becalel, filo de Uri, filo de Hxur, el la tribo de Jehuda, faris cxion, kion ordonis la Eternulo al Moseo; kaj kun li Oholiab, filo de Ahxisamahx, el la tribo de Dan, artista skulptisto, teksisto, kaj brodisto sur blua, purpura, kaj rugxa teksajo, kaj sur bisino" (Eliro 38:22-23).

"Cetere, cxi tie estas postulate cxe administrantoj, ke oni trovigxu fidela" (1 Korintanoj 4:2).

Multaj homoj volus ke ili servu cxe loko kie oni notus ilin. Ili preferus elstarajn lokojn au oficojn kie alia homoj povus vidi ilin kaj laudi ilin pro tio kion ili faras. Tamen, Dio, multfoje, preferas uzi homojn je sxajne obskuraj lokoj au oficoj por plenumi Siajn diajn celojn kaj rekompencas ilin Siamaniere. Tio kion Li volas de tiaj homoj estas diligento kaj fideleco.

Becalel kaj Oholiab estas nomoj kiujn oni malofte memoras kiam oni rakontas pri la eliro de la popolo Izraela el Egiptujo al la Promesita Lando. Tamen, ili ludis elstaran rolon je la religia travivo de la popolo. Ili estis tiuj kiuj gvidis je la konstruado de la tabernaklo (alie konata kiel "la Tabernaklo de Kunveno") kaj faro de cxiuj mebloj en kaj ekster gxi. Ambau ili gvidis aliajn homojn je la konstruado de cxiuj ajxoj lau la specifoj kiel Dio ordonis al Moseo. Ili estis diligentaj kaj fidelaj je sia servo. Ne mirinde, Dio "plenigis [ilin] per [Sia] spirito, per sagxo kaj prudento kaj scio kaj cxia arto" (Eliro 31:3).

Kion Dio konfidis al vi? Cxu vi estas dunganto au dungato? Estu fidela! Diligento, jen gxi! Diligento estas farado lau via plej ebla kapablo je kion ajn vi faras. Oni ne notas vin. Sed Dio ja notas vin. Li diras, "Estu fidela gxis morto, kaj mi donos al vi la kronon de vivo" (Apokalipso 2:10).

Jes! Ni adorservas fidelan Dion! Granda estas Lia fideleco. Li eble ne rekompencos vian sukceson, sed Li certe rekompencos vian fidelecon.

Je la servo de Dio,

Bayo Afolaranmi (Pastoro).

LA REALA VALENTINO

Estimataj,

LA REALA VALENTINO

“Per cxi tio ni konas amon: cxar li demetis sian vivon pro ni; kaj ni devus demeti nian vivon pro la fratoj” (1 Johano 3:16).

“Neniu havas amon pli grandan ol tio, ke iu demetus sian vivon por siaj amikoj” (Johano 15:13).

La Tago de Sankta Valentino estas cxiujara celebro okazigata je la 14-a de februaro por memorfesti amon kaj karecon inter intimaj kunuloj. Gxi estas tradicie tago kiam amuloj esprimas siajn amon por unu la alia donante donajxojn kiel florojn, kaj aliajn donajxojn, sendante salutkartojn kaj amemajn mesagxojn per portebla telefono kaj ecx amemajn telefonvokojn. Estas multaj tradicioj pri la origino kaj gxenerala akcepto de la celebro. El cxi tiuj tradicio, estis kelkaj homoj kiuj estis koincide nomitaj Valentino inter tria kaj kvara jarcentoj post Kristo kiuj estis mortigitaj pro iliaj amo-rilataj agoj.

Dum cxi tiu celebro estas observita cxiujare, kiom da homoj kiuj kredas je gxi kaj celebras gxin estas pretaj demeti siajn vivojn pro siaj tiel nomataj amatoj? Multaj homoj estas okupitaj per la materiaj au financaj donajxoj kiujn ili donos au akiros dum la celebro. Multaj ecx jam turnis la celebron al tempo por kontentigi siajn amoremajn dezirojn. La homoj kiuj estis nomitaj lau la nomo Valentino je la anktiva tempo kiuj igis nin celebri la Tagon de Sankta Valentino cxiujare estis konataj pro ilia sindona amo. Ili havis amon kiu kostis al ili exc iliajn vivojn pro iliaj amatoj.

Estas Iu kiu sindone amas. Li estas la superega senkompara Valentino. Li estas la Sinjoro Jesuo Kristo kiu pro Sia amo por homaro “ne rigardis kiel sxatindajxon la egalecon kun Dio sed sin malplenigis, alprenante la formon de sklavo, farigxante lau la bildo de homoj; kaj trovigxinte laufigure kiel homo, li sin humiligis kaj farigxis obeema gxis morto, ecx gxis la morto per kruco (Filipianoj 2:6-8).

Iu ajn kiu volas celebri la Tagon de Santka Valentino devas esti preta fari ion ajn, ecx morton, pro sia amato. La celebro devas esti kun sindona amo. Tio estas la reala Valentino. Felicxan Tagon de Sankta Valentino!

Je la servo de Dio,

Bayo Afolaranmi (Pastoro).

INTERROMPANTA BENEGO

Estimataj,

INTERROMPANTA BENEGO

"Dum li ankorau parolis, oni venis el la domo de la sinagogestro, dirante: Via filino mortis; kial vi ankorau gxenas la instruiston? Sed Jesuo, ne atentante la parolon diritan, diris al la sinagogestro: Ne timu, nur kredu" (Marko 5:35-36).

La levo de la filino de Jairo el la mortintoj kiel rakontita de du el la verkintoj de la Evangelio (Marko 5 kaj Luko 8) estas fascina. Jesuo jxus transpasis la lagon de tie kie li estis malakceptita cxar Li sanigis demonhavinton kiam granda amaso de homoj kolektigxis al Li. Inter cxi tiuj homoj estis sinagogestro kiu venis por petegi Jesuon veni kaj sanigi sian mortantan filinon. La viro havis kredon ke Jesuo povas savi lian filinon de la venonta morto. Jesuo ne hezitis sekvi lin por iri kaj savi la filinon. La alia sencela homamaso sekvis ilin.

Dum ili iris, estis interrompo: iu virino kiu havis sangofluon baris Jesuon kaj ricevis sian sanigon de la dekdua-jara-agxa problemo. La dialogo kiu sekvis igis Jesuon atendi plie antau ol Li povis iri al tien, kien Li intencis iri kaj savi la mortantan infaninon.

Ve! Dum ili diskutis pri la kredo de la resanigita virino, iu venis de la domo de Jairo kaj malkasxis la malbonan novajxon: la infanino jam estis mortinta. Ne estis bezono gxeni Jesuo. La portanto de la novajxo rezonis. Kio estus la reago de Jairo? Eble, se estus nenia interrompo, Jesuo atingus lian domon kaj savus la infaninon antau ol sxi mortis. Tamen, Jesuo kuragxigis lin havi kredon.

Malgrau la nekredo kaj mokado de la homoj, Jesuo ankorau iris al la domo kaj levis la infaninon el la mortintoj. La sxajna interrompo farigxis benego por ambau, interrompintino kaj Jairo.

Cxu vi jam vokis al Dio fari ion al vi? Cxu sxajnas ke Li prokastas respondante al vi? Ne perdu esperon! Li estas survoje. Kiu scias, Li eble estas "interrompita" de alia homo. Tamen, la "interrompo" farigxos benego por vi. Eble vi volas ke Dio savu vin de malgranda problemo. Li eble lasas gxin farigxi pli granda, ecx senespera, antau ol Li agos, por ke Lia nomo estu glorata. Memoru la historion de Lazaro. Jesuo intence atendis dum du pliaj tagoj por alporti gloron al Dio. Via "interrompo" estu ankau benego por vi, kaj gloro al Dio. Jxus atendu kaj kredu.

Je la servo de Dio,

Bayo Afolaranmi (Pastoro).

PS

Cxi tiu mesagxo estis unue dissendita je la 12-a de Juno, 2005.

FORTIKIGXU PER VIRTECO (Parto 4)

Estimataj,

FORTIKIGXU PER VIRTECO (Parto 4)

“Tio estas la heredajxo de la servantoj de la Eternulo, kaj ilia praveco antau Mi, diras la Eternulo” (Jesaja 54:17b).

“Kaj estu trovata en li, ne havante mian justecon, kiu devenas de la legxo, sed la justecon, kiu estas per la fido al Kristo, la justecon, kiu devenas de Dio sur fidon” (Filipianoj 3:9).

Cxi tio estas la lasta parto de cxi tiu mesagxo. Ekde la komenco de cxi tiu jaro, ni jam havis pli proksiman atenton pri Jesaja 54:14-17 kiu jam farigxis unu el la plej popularaj cititaj promesoj de Dio en la Sankta Biblio. La profetajxo finigxas per la aserto ke gxi estas la heredajxo de la servantoj de la Eternulo. Kiuj estas cxi tiuj homoj? La “servanto de la Eternulo” estas teologia koncepto en la Libro de Jesaja kiu aludas al Jesuo Kristo. (Eltirajxoj en la libro kiuj esprimas cxi tiun koncepton estas Jesaja 42:1-4; 49:1-6; 50:4-9; kaj 52:13-53:12.) Tamen, ecx antau la tempo de Jesaja, la koncepto estis ofte aplikita al tiuj kiuj faris kelkajn servon, taskon, au mision por la Eternulo. Ekzemple, la termino servanto estis aplikita al Abraham (Genezo 26:24), Isaak (Genezo 24:14), Jakob (Jehxekiel 28:25), Moseo (Readnomo 34:5), Josua (Josua 24:29) kaj multaj profetoj de la Malnova Testamento. La termino rilatas al la termino sanktulo: iu persono eminenta pro pieco au virteco au simple iu konsekrita au sanktigita persono.

La servantoj de la Eternulo al kiuj cxi tiu konsola profetajxo aplikigxas estas la homoj kiuj jam dedicxis siajn vivojn por Dio esti uzitaj per Li kiel iloj de honoro je Lia servo (vidu: 2 Timoteo 2:21). Cxi tiuj homoj kiuj vivas konsekritajn au sanktigitajn vivojn al la gloro de Dio. Gxi devas esti notita ke ili ne estas homoj kiuj vivas sinakirigitajn virtajn vivojn, sed homoj kiuj jam estis sanktigitaj per la sango de Jesuo Kristo kaj jam havis la imputitan virtecon de Jesuo Kristo per fido je Li (vidu: Romanoj 1:17; 3:21-22; 5:17; 10:4; Filipianoj 3:9).

La promesoj je Jesaja 54:14-17 kaj multaj aliaj konsolaj promesoj de Dio en la Sankta Biblio ne estas por cxiu. Ili estas por homoj kiuj estas pretaj dedicxi siajn vivojn al Dio kaj permesi al Li sanktigi ilin kaj igi ilin Liajn ilojn por noblaj celoj. Cxu vi estas unu el tiaj homoj?

Je la servo de Dio,

Bayo Afolaranmi (Pastoro).

PS

Se al vi mankus ia parto de cxi tiu mesagxo, au vi volus densigitan version de la tuta mesagxo, skribu rekte al mi cxe . Dio benu vin!